ۆيتسە-مينيستر ەرلان قوجاعاپانوۆ بۇقارالىق سپورتتى دامىتۋ جانە مەملەكەتتىك تاپسىرىستىڭ جاڭا مەحانيزمى بويىنشا جۇرگىزىلگەن جۇمىستار تۋرالى بايانداپ, اتا-انالارعا ۇندەۋ جاسادى.
«37% دەگەن نە؟ دەمەك, 1,5 ملن بالا سپورتتىق جانە شىعارماشىلىق سەكتسيالارمەن, ۇيىرمەلەرمەن قامتىلعان. 2,5 ميلليوننان استام بالانىڭ مۇنداي مۇمكىندىگى جوق. بۇگىندە مەملەكەت جەرگىلىكتى اتقارۋشى ورگاندار ارقىلى بالالاردىڭ ۇيىرمەلەر مەن سپورت سەكتسيالارىنا بارۋىن قارجىلاندىرادى. مەن بارلىق اتا-انالاردى وسى مۇمكىندىكتى بەلسەندى پايدالانۋعا, پورتالعا جانە مەملەكەت ەسەبىنەن تىركەلۋگە, كاسىبي سپورتتان الىپ, بالالار مەن جاسوسپىرىمدەر سپورتىنا باعىتتايتىن قاراجات ەسەبىنەن, ءوز بالالارىن سپورتقا, مادەنيەتكە, شىعارماشىلىققا باۋلۋعا شاقىرامىن... بۇل بىرەگەي مۇمكىندىك. ونى بەلسەندى پايدالانۋ كەرەك», دەدى ۆيتسە-مينيستر.
اقپاراتتىق جۇيەگە artsport.edu.kz سىلتەمەسى بويىنشا كىرۋگە بولادى. سونداي-اق وندا وڭىرلەر بويىنشا ۇيىرمەلەر مەن سەكتسيالاردىڭ وزەكتى ءتىزىمى ۇسىنىلعان.
