اۋا رايى • 19 مامىر، 2021

بۇگىن ەلىمىزدىڭ باسىم بولىگىندە بۇرشاق جاۋادى

52 رەت كورسەتىلدى

19 مامىردا قازاقستاننىڭ بارلىق ايماعىندا اتموسفەرالىق اعىنداردىڭ وتۋىنە بايلانىستى اۋا رايى قۇبىلمالى بولادى، دەپ حابارلايدى Egemen.kz قازگيدرومەتكە سىلتەمە جاساپ.

سينوپتيكتەردىڭ بولجاۋىنشا، كەي جەرلەردە جاڭبىر جاۋىپ، نايزاعاي وينايدى، بۇرشاق جاۋى ىقتيمال، ەلىمىزدىڭ سولتۇستىك جارتىسىندا، ورتالىقتا جانە شىعىستا نوسەر جاۋىپ، داۋىل سوعۋى مۇمكىن. تەك ەلىمىزدىڭ وڭتۇستىك-باتىسىندا كۇن رايى اشىق بولادى. 

سولتۇستىك قازاقستان، قاراعاندى وبلىستارىندا داۋىل سوعادى، جەل جىلدامدىعى 15-20 م/س دەيىن كۇشەيەدى، بۇرشاق جاۋى ىقتيمال.

اقمولا، پاۆلودار وبلىستارىنىڭ كەي جەرلەرىندە داۋىل سوعادى، جەل ەكپىنى 25 م/س جەتەدى، بۇرشاق جاۋى مۇمكىن.

شىعىس قازاقستان وبلىسىنىڭ كەي جەرلەرىندە داۋىل سوعۋى مۇمكىن، جەل كۇشەيىپ 23-28 م/س جەتەدى، بۇرشاق جاۋادى.

كۇندىز باتىس قازاقستان وبلىسىنىڭ باتىسىندا داۋىل سوعادى، بۇرشاق جاۋى مۇمكىن.

قىزىلوردا وبلىسىندا شاڭدى داۋىل سوعىپ، جەل جىلدامدىعى 23 م/س بولۋى ىقتيمال.

قوستاناي، جامبىل، الماتى وبلىستارىنىڭ كەي جەرلەرىندە جەل 15-20 م/س دەيىن كۇشەيەدى، جامبىل وبلىسىندا كۇندىز بۇرشاق جاۋادى.

اقتوبە وبلىسىنىڭ كەي جەرلەرىندە جەل 16 م/س كۇشەيەدى.

ماڭعىستاۋ وبلىسىندا تۇمان ءتۇسۋى ىقتيمال.

باتىس قازاقستان، اتىراۋ وبلىستارىندا قاتتى ىستىق بولادى.

قىزىلوردا وبلىسىنىڭ باسىم بولىگىندە، اتىراۋ وبلىسىنىڭ كەي جەرلەرىندە، الماتى، شىعىس قازاقستان وبلىستارىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.

 

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار