ايماقتار • 18 مامىر، 2021

ورالدىقتار ماسانىڭ كوپتىگىنە شاعىمداندى

11 رەت كورسەتىلدى

ورال مەن قالا ماڭىنداعى ەلدى مەكەن تۇرعىندارى ماسا مەن شىركەيدىڭ كوپتىگىنە شاعىمدانادى. ادامدار كەشكە دالاعا شىعۋ مۇمكىن ەمەس ەكەنىن ايتتى، دەپ حابارلايدى Egemen.kz.

وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى اۋماقتى ماسا مەن شىركەيگە قارسى وڭدەۋگە 93 ميلليون تەڭگەدەن اسا قاراجات بولىنگەنىن مالىمدەدى.

ورال تۇرعىندارى جازدىڭ اپتاپ ىستىعىندا دالاعا شىعۋ مۇمكىن ەمەس ەكەنىن، ال كۇن سالقىندايتىن كەشكى ۋاقىتتا «قانسورعىشتار» مازالايتىنىن ايتتى. 

ء«بىز جايىق وزەنى ماڭىندا تۇرامىز. كەشكە قىزىمىزدى الىپ سەرۋەندەۋگە شىعامىز. الايدا كوشەدە ءجۇرۋ مۇمكىن ەمەس. اياق-قولدىڭ ءبارىن شاعىپ تاستايدى. وعان بولىنگەن ميلليونداعان قارجى قايدا كەتتى؟»، دەدى قالا تۇرعىنى تاتيانا سيمونوۆا.

ەنەرگەتيكا جانە تكش باسقارماسى مالىمەتى بويىنشا، ورال اۋماعى مەن وعان جاقىن ماڭداعى اۋىلداردى دەزينفەكتسيالاۋعا 93 ميلليون تەڭگە بولىنگەن.

«جۇمىستى «ماگتوكسين» جشس جۇرگىزەدى. ءبىرىنشى كەزەڭدە 2 مىڭ گەكتار جەر وڭدەلدى. بۇل وزەن اڭعارى، توعاندار، سۋ شالعىندارى. ەندى وڭدەۋدىڭ ەكىنشى كەزەڭى باستالدى. 13 مىڭ گەكتاردى وڭدەۋ جوسپارلانعان»، دەدى بقو ەنەرگەتيكا جانە تكش باسقارماسى ءبولىمىنىڭ باس مامانى ايان حاميدۋللين.

ساراپشىلار ماۋسىمعا دەيىن ماسا مەن شىركەيگە قاتىستى جاعدايى تۇراقتالاتىنىن ايتتى.

سوڭعى جاڭالىقتار

ۇقساس جاڭالىقتار