سپورت • 18 مامىر، 2021

قازاقستاندىق باپكەر توكيو وليمپياداسىندا قازىلىق ەتەدى

27 رەت كورسەتىلدى

حالىقارالىق كاراتە فەدەراتسياسى (WKF) توكيو وليمپياداسىندا تورەلىك ەتەتىن قازىلار ءتىزىمىن جاريالادى. تورتجىلدىق دوداسىنا تورەلىك ەتەتىندەردىڭ نەگىزگى تىزىمىنە 17 مامان ەنگەن، دەپ حابارلايدى Egemen.kz.

قازاقستاندىق اسقار مولداعالي تىزىمدە ءبىرىنشى رەزەرۆتە تۇر.

حالىقارالىق فەدەراتسيا قازاقستاندىق قازىنىڭ كانديداتۋراسىن رەزەرۆكە ەنگىزدى. وليمپيادا كەزىندە WKF رەفەريلەرىنىڭ ءبىرى قاتىسا الماي قالعان جاعدايدا، اسقار مولداعالي تورەلىك ەتۋ قۇقىعىنا يە بولماق.

توكيو وليمپياداسىندا كاراتەدەن تۇڭعىش جەڭىمپازدار مەن جۇلدەگەرلەر انىقتالادى. كاراتەشىلەر دوداسى 5، 6 جانە 7 تامىزعا جوسپارلانعان. قازاقستان كومانداسىنىڭ ەنشىسىندە ازىرگە ءبىر جولداما بار. دارحان ءاسادىلوۆ الەمدىك رەيتينگتە كوش باستاپ، جولدامانى مەرزىمىنەن بۇرىن ۇتىپ الدى.  ال سوڭعى ليتسەنزيالىق تۋرنير 11-13 ماۋسىم ارالىعىندا پاريج قالاسىندا وتەدى.

قازاقستاندىق سپورتشىلار توكيو وليمپياداسىندا ەل نامىسىن سپورتتىڭ 30 تۇرىنەن قورعايدى. ازىرگە قر سپورتشىلارى وليمپياداعا 53 جولداما جەڭىپ الدى. 

سوڭعى جاڭالىقتار

ۇقساس جاڭالىقتار