شىعىس قازاقستان وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 43 جاستاعى ەر ادام كولىكپەن كاتونقاراعاي اۋدانىنداعى «وسكەمەن-راحمان قاينارلارى» تاسجولىمەن كەلە جاتقان. جىلدامدىقتى رۇقسات ەتىلگەن شەكتەن اسىرىپ جىبەرگەن ول بۇرىلىستا ءرۋلدى باسقارا الماي قالىپ, كولىك جول جيەگىنە شىعىپ, اۋدارىلىپ ءتۇستى.
«جول-كولىك وقيعاسى سالدارىنان سالون ىشىندە بولعان 24 جاستاعى جولاۋشى كاتونقاراعاي اۋداندىق اۋرۋحاناسىندا كوز جۇمدى. اتالعان فاكتى بويىنشا قر قك-ءنىڭ 345-بابى 3-بولىگىنە (ابايسىزدا ادام ولىمىنە اكەپ سوققان كولىك قۇرالىن باسقاراتىن ادامداردىڭ جول ءجۇرىسى قاعيدالارىن بۇزۋى) سايكەس سوتقا دەيىنگى تەرگەۋ امالدارى جۇرگىزىلىپ جاتىر», دەپ حابارلادى ۆەدومستۆو وكىلدەرى.
قازىرگى ۋاقىتتا بىرقاتار ساراپتاما تاعايىندالعان. سونىڭ ناتيجەلەرى بويىنشا پروتسەسسۋالدىق شەشىم قابىلدانادى.
