ۇكىمەت • 18 مامىر، 2021

نۇرلان نوعاەۆ: ەلىمىزدە بىرنەشە ءوڭىردىڭ ەنەرگيا بويىنشا قارىزى بار

4 رەت كورسەتىلدى

ەنەرگيا ءوندىرۋشى ۇيىمداردىڭ «قازترانسگاز-ايماق» اكتسيونەرلىك قوعامى الدىنداعى بەرەشەگى ءبىر جىل ىشىندە ايتارلىقتاي ازايعان، دەپ حابارلايدى Egemen.kz.

بۇل تۋرالى ەنەرگەتيكا ءمينيسترى نۇرلان نوعاەۆ ۇكىمەت وتىرىسىندا ايتتى. ءمينيستردىڭ سوزىنشە، بۇگىنگى تاڭدا ەنەرگيا ءوندىرۋشى ۇيىمداردىڭ «قازترانسگاز-ايماق» اق الدىنداعى بەرەشەگى 667 ملن تەڭگە بولعان. ال 2020 جىلدىڭ مامىرىندا بەرەشەك مولشەرى 7 ملرد 481 ملن تەڭگە بولعان ەكەن.

سونداي-اق ەنەرگيا ءوندىرۋشى ۇيىمداردىڭ «بوگاتىر-كومىر» جاۋاپكەرشىلىگى شەكتەۋلى سەرىكتەستىگى الدىندا جالپى سوماسى 1 ملرد تەڭگە بەرەشەگى بار كورىنەدى.

«كوممۋنالدىق كاسىپورىنداردىڭ، كوتەرمە ساۋدا تۇتىنۋشىلارىنىڭ، ەنەرگيامەن جابدىقتاۋشى جانە ەنەرگيا بەرۋشى ۇيىمداردىڭ ماڭعىستاۋ، باتىس قازاقستان، اقتوبە، الماتى، شىعىس قازاقستان، جامبىل، قاراعاندى، قىزىلوردا، پاۆلودار وبلىستارىنداعى جانە نۇر-سۇلتان، الماتى مەن شىمكەنت قالالارىنداعى ەنەرگيا ءوندىرۋشى جانە ەنەرگيا بەرۋشى ۇيىمداردىڭ الدىندا بەرەشەگى بار. بۇل ەنەرگيا ءوندىرۋشى جانە ەنەرگيا بەرۋشى ۇيىمداردىڭ جوندەۋ جۇمىستارىن ۋاقتىلى ورىنداۋىنا تەرىس اسەر ەتەدى. وسىعان بايلانىستى جەرگىلىكتى اتقارۋشى ورگاندار كوممۋنالدىق قىزمەتتەر ءۇشىن بەرەشەكتى وتەۋ جونىندەگى جۇمىستى كۇشەيتىپ، جانداندىرۋ قاجەت»، دەدى نۇرلان نوعاەۆ.

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار