جارىسقا شاقىرامىز

تۋريزم جانە سپورت مينيسترلىگىنىڭ سپورت كوميتەتى 8-9 مامىر كۇندەرى الماتى قالاسىندا باق وكىلدەرى اراسىندا جىل سايىن شاعىن فۋتبولدان وتەتىن ءداستۇرلى سەيداحمەت بەردىقۇل اتىنداعى رەسپۋبليكالىق تۋرنير وتەتىندىگىن حابارلايدى. تۋرنير ماقساتى –  ەلىمىزدىڭ بۇقارالىق اقپارات قۇرالدارى قىزمەتكەرلەرى اراسىندا “ۇلت دەنساۋلىعى” باعدارلاماسىنىڭ اياسىندا بۇ­قا­رالىق سپورتتى, ونىڭ ىشىندە فۋتبولدى دامىتۋ, سالاماتتى ءومىر سالتى مەن ەلىمىز فۋتبولىن حالىق اراسىندا ناسيحاتتاپ, تۋرنير ارقىلى ەڭ ۇزدىك ونەر كورسەتكەن باق كومان­دالارى مەن وكىلدەرىن انىقتاۋ. اتالمىش دوداعا بۇقارالىق اقپارات ىستەرى جونىندەگى ورگاننىڭ, مەنشىكتىڭ بارلىق تۇرلەرىندەگى گازەت-جۋرنال رەداكتسيالارىنىڭ, تەلەراديو حابارلار تاراتۋ سالاسى مەكەمەلەرىنىڭ كوماندالارى جىبەرىلەدى. كوماندا باق-تىڭ تەك شىعارماشىلىق ۇجىمى, دارىگەردىڭ انىقتاماسى, جەكە فوتوسۋرەتى بار قىزمەتتىك كۋالىگى مەن ەڭبەك كىتاپشاسى بو­يىن­شا عانا قابىلدانادى. تۋرنيرگە تاپسىرىس 7 مامىر كۇنى الماتىداعى “تەمىر دوس” سپورت كەشەنىنىڭ 2-ءشى قاباتىنداعى كونفەرەنتسيا زالىندا ساعات 17.00-دە قابىلدانادى (جامبىل مەن ناۋرىزباي باتىر كوشەلەرى قيىلىسىندا). مانداتتىق كوميسسيا دا وسى مەكەن-جايدا جۇمىس ىستەيتىن بولادى. انىقتاما تەلەفوندارى: تۋريزم جانە سپورت مينيسترلىگىنىڭ سپورت كوميتەتى – 8 (7172) 75-35-19. ۇلتتىق شتاتتىق كوماندالار جانە سپورت رەزەرۆى ديرەكتسياسى – 8 (7172) 91-15-29.