ترامپتىڭ جوسپارى بويىنشا مونۋمەنتتە اقش-تىڭ بۇرىنعى پرەزيدەنتتەرى, سپورت جۇلدىزدارى مەن مادەنيەت قايراتكەرلەرى بەينەلەنبەك ەدى. ول «بۇرىن-سوڭدى ءومىر سۇرگەن زاڭعار امەريكالىقتاردىڭ ۇلكەن پاركىن» جاساقتاۋدى ماقسات ەتكەن-ءدى. ءوزى 30 ادامنان تۇراتىن ءتىزىم ۇسىندى. وندا دەۆي كروكەتت, بيللي گرايام, ۋيتني حيۋستون, حارريەت تۋبمان مەن انتونين سكاليا دا بار. وسى رەتتە تىزىمگە كونگرەستىڭ مۇشەلەرى كىرمەگەنىن ەسكەرگەن ءجون. ال كونگرەسس بولسا, بۇل مونۋمەنتتى قارجىلاندىرمايتىنىن جەتكىزدى.
«وسىلايشا, ءبىز امەريكا پاتريوتتارىن تاربيەلەيمىز. امەريكا تاريحىنىڭ تاعى ءبىر ءبولىمىن جازامىز. سونىمەن بىرگە بالالارىمىزعا اڭىزدار جەرىندە ءومىر سۇرەتىنىن, ولاردى ەشتەڭە توقتاتپايتىنىن, ەشكىم قارسى كەلە المايتىنىن ۇيرەتەمىز», دەگەن ەدى ترامپ.
ەسكەرتكىشتە بۇرىنعى پرەزيدەنتتەرگە, اقش-تى قارجىلاندىرۋعا كومەكتەسكەندەرگە باسىمدىق بەرىلەتىنى ايتىلعان. «ەشكىم ءمىنسىز ءومىر سۇرمەيدى. دەگەنمەن, بارلىعىمىز قوشەمەتكە, سىيلاۋعا, زەرتتەۋ مەن ەسكە الۋعا لايىقپىز», دەگەن پىكىر بىلدىرگەن-ءدى بۇرىنعى پرەزيدەنت.
بايدەن بولسا, ترامپتىڭ ءبىر جىل بۇرىن ادىلەت مينيسترلىگى مەن فەدەرالدىق ساۋدا كوميسسياسىنا بەرگەن الەۋمەتتىك جەلىنى باقىلاۋ تاپسىرماسىنىڭ دا كۇشىن جويدى. بۇل تاپسىرما ترامپتىڭ ءوزى Twitter, Facebook سياقتى الەۋمەتتىك جەلىلەردەن الىستاتىلعاننان كەيىن بەرىلدى.
«مەنىڭ اكىمشىلىگىم ساپانى, قولجەتىمدى دەنساۋلىق ساقتاۋ جۇيەسىن قۇرۋدى ماقسات ەتەدى. بۇل ماقساتقا شەتەلدىكتەردىڭ كىرۋىنە تىيىم سالماي-اق جەتە الامىز», دەدى بايدەن.
