پرەزيدەنت • 17 مامىر، 2021

بىرقاتار ەلدىڭ باسشىلارى قازاقستان پرەزيدەنتىن تۋعان كۇنىمەن قۇتتىقتادى

33 رەت كورسەتىلدى

قاسىم-جومارت توقاەۆتىڭ تۋعان كۇنىنە وراي شەت مەملەكەتتەردىڭ باسشىلارىنان، پارلامەنت توراعالارىنان، ۇكىمەت باسشىلارىنان جانە شەتەلدىك مەملەكەتتىك ورگانداردىڭ، حالىقارالىق ۇيىمدار مەن ديپلوماتيالىق ميسسيالاردىڭ، كوممەرتسيالىق مەكەمەلەردىڭ جەتەكشىلەرىنەن، شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ جاتىر، دەپ حابارلايدى Egemen.kz اقورداعا سىلتەمە جاساپ.

رەسەي پرەزيدەنتى ۆلاديمير پۋتين، وزبەكستان پرەزيدەنتى شاۆكات ميرزيوەۆ، قىرعىزستان پرەزيدەنتى سادىر جاپاروۆ، تاجىكستان پرەزيدەنتى ەمومالي راحمون، ازەربايجان پرەزيدەنتى يلحام اليەۆ، سونداي-اق، رەسەيدىڭ فەدەرالدىق جينالىسى فەدەراتسيا كەڭەسىنىڭ توراعاسى ۆالەنتينا ماتۆيەنكو قاسىم-جومارت توقاەۆتى تۋعان كۇنىمەن تەلەفون ارقىلى قۇتتىقتادى.

سونىمەن قاتار قازاقستان پرەزيدەنتىنىڭ اتىنا قحر توراعاسى سي تسزينپين، يتاليا پرەزيدەنتى سەردجو ماتتارەللا، بەلارۋس پرەزيدەنتى الەكساندر لۋكاشەنكو، تۇرىكمەنستان پرەزيدەنتى گۋربانگۋلى بەردىمۇحامەدوۆ، ۋكراينا پرەزيدەنتى ۆلاديمير زەلەنسكي، ارمەنيا پرەمەر-ءمينيسترىنىڭ مىندەتىن اتقارۋشى نيكول پاشينيان،  بۇدان بولەك، رەسەي ۇكىمەتىنىڭ توراعاسى ميحايل ميشۋستين، رەسەي فەدەراتسياسى مەملەكەتتىك دۋماسىنىڭ توراعاسى ۆياچەسلاۆ ۆولودين،  تاتارستان پرەزيدەنتى رۋستام ميننيحانوۆ، تمد اتقارۋ كوميتەتىنىڭ توراعاسى – اتقارۋشى حاتشىسى سەرگەي لەبەدەۆ، ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ، ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاس، شانحاي ىنتىماقتاستىق ۇيىمىنىڭ باس حاتشىسى ۆلاديمير نوروۆ، ەكونوميكالىق ىنتىماقتاستىق ۇيىمىنىڭ باس حاتشىسى حادي سۇلەيمانپۋر، بۇۇ-نىڭ جەنەۆاداعى شتاب-پاتەرىنىڭ باس حاتشىسى تاتيانا ۆالوۆايا جانە باسقالار قۇتتىقتاۋ جەدەلحاتتارىن جولدادى.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار