قوعام • 17 مامىر، 2021

الماتىدا قارجى پيراميداسىنىڭ ۇيىمداستىرۋشىسى ۇستالدى

762 رەت كورسەتىلدى

الماتى قالاسىندا تانىمال ادامدار جارنامالاعان ءىرى قارجى پيراميداسىنىڭ ۇيىمداستىرۋشىسى قولعا ءتۇستى. بۇل تۋرالى الماتى قالالىق پوليتسيا باسقارماسى باستىعىنىڭ تەرگەۋ جۇمىسى جونىندەگى ورىنباسارى رۋستام ءابدىراحمانوۆ ءمالىم ەتتى، دەپ حابارلايدى Egemen.kz.

«ۇستالعان ك. ەسىمدى ازامات 1982 جىلى تۋعان. وعان قر قىلمىستىق كودەكسىنىڭ 217-بابى، 3-بولىگى، 2-تارماعى بويىنشا قىلمىس جاسادى دەپ ايىپ تاعىلدى. كۇدىكتى ۇستالىپ، قاماۋعا الىندى»، دەپ جازدى رۇستەم ءابدىراحمانوۆ Facebook-تەگى پاراقشاسىندا.

ول ءبىر توپ ازاماتتىڭ الماتى قالالىق پوليتسيا دەپارتامەنتىنە قارجى پيراميداسىن قۇرۋ جانە باسقارۋ فاكتىسى بويىنشا «ASTEX.KZ» جشس، «ACD technology» جشس جانە «MUDARABAN Capital» جشس باسشىلارىنا قاتىستى ۇجىمدىق ءوتىنىش تۇسىرگەنىن ايتتى.

«سوتقا دەيىنگى تەرگەۋ بارىسىندا 2019 جىلدىڭ اقپانىنان باستاپ 2021 جىلدىڭ قاڭتارىنا دەيىنگى ارالىقتا اتالعان جشس-لاردىڭ لاۋازىمدى تۇلعالارى جەكە جانە زاڭدى تۇلعالارمەن مەملەكەتتىك ساتىپ الۋعا قاتىسۋعا تالاپ ەتىلگەن قاراجاتتى تاراتۋ ماقساتىندا بىرلەسكەن قىزمەت تۋرالى كەلىسىمشارتتار جاساعانى بەلگىلى بولدى. ەكىجاقتى قۇجاتقا سايكەس فيرمالار اي سايىن ءار سالىمشىعا سالىنعان جارنا سوماسىنىڭ 20% تولەپ وتىرۋى كەرەك بولعان»، دەدى باسقارما باسشىسىنىڭ ورىنباسارى.

وعان قوسا، 160 سالىمشىنىڭ «ASTEX.KZ» جشس-دەگى شامامەن 1 ميلليارد تەڭگە كولەمىندەگى قاراجاتى ونىڭ اگەنت كومپانياسى «MUDARABAN CAPITAL» جشس ارقىلى اۋدارىلعانى انىقتالدى.

سونىمەن قاتار قارجى پيراميداسىن قۇرىپ، باسقارعانى ءۇشىن 47 جاستاعى ەر ادام كۇدىككە ءىلىندى. ونى ۇستاۋ ءۇشىن جەدەل-تەرگەۋ ءىس-شارالار كەشەنى جۇرگىزىلىپ جاتىر. سوتالدى تەرگەۋ الماتى قالاسى دپ تەرگەۋ باسقارماسىنىڭ تەرگەۋشىلەرىنە جۇكتەلگەن.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار