الەم • 17 مامىر، 2021

كوروناۆيرۋس: الەمدەگى احۋال قانداي؟

11 رەت كورسەتىلدى

كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا الەم ەلدەرىندەگى ەپيدەميالىق احۋالعا قاتىستى مالىمەتتەر جاريالادى، دەپ حابارلايدى Egemen.kz.

تۇركيا ءۇش اپتاعا سوزىلعان قاتاڭ لوكداۋندى جەڭىلدەتىپ، بىرقاتار كارانتيندىك شەكتەۋلەردى الىپ تاستادى. ەل تۇرعىندارىنا قايتادان كۇندىزگى ۋاقىتتا ۇيلەرىنەن شىعۋعا رۇقسات ەتىلەدى. الايدا ساعات 21.00-دەن باستاپ كومەندانتتىق ساعات جۇمىس ىستەيدى. كافەلەر مەن مەيرامحانالارعا بارۋعا ءالى دە رۇقسات جوق، دەگەنمەن تاعامدى جەتكىزۋ قىزمەتى جۇمىس جاسايدى. ساۋدا ورتالىقتارى مەن كيىم دۇكەندەرى جۇمىسىن قايتا باستايدى. تۇركيادا مەكتەپتەردى اشۋ ماسەلەسى ءالى شەشىلگەن جوق.

ەستونيادا 17 مامىردا 16 جاستان باستاپ حالىقتى جاپپاي ۆاكتسيناتسيالاۋ باستالدى. بۇل ەلدە گەرمانيا جانە باسقا دا مەملەكەتتەردەگى سياقتى بەلگىلى ءبىر ساناتتارعا جاسى مەن ماماندىعى بويىنشا باسىمدىقتار كوزدەلمەگەن، كەز كەلگەن ادام ۆاكتسينا سالدىرا الادى. BioNTech/Pfizer، Moderna جانە Johnson & Johnson ۆاكتسينالارى 50 جاسقا دەيىنگى ناۋقاستارعا ەگۋ ءۇشىن قولدانىلادى. ەستونيانىڭ قالعان تۇرعىندارىنا AstraZeneca پرەپاراتى سالىنادى.

فرانتسيادا كوروناۆيرۋستىق ينفەكتسيا بويىنشا جاڭا جاعدايلاردىڭ كۇندەلىكتى ءوسىمى جانە ودان كوز جۇمۋ دەرەكتەرىنىڭ سانى ازايدى. پاندەميا باستالعاننان بەرى فرانتسيادا 5 877 787 ادام كوروناۆيرۋس جۇقتىردى، وسى ۋاقىت ىشىندە ەلدىڭ 107 616 تۇرعىنى سovid-19 دياگنوزىمەن قايتىس بولدى. قازىرگى ۋاقىتتا فرانتسياداعى قارقىندى تەراپيا پالاتالارىندا 4255 ادام بار.

ۇلىبريتانيا بيلىگى پاندەميامەن كۇرەسۋگە باعىتتالعان شەكتەۋلەردى جەڭىلدەتۋدە. بىرىككەن كورولدىكتىڭ تۇرعىندارىنا التى ادامعا دەيىنگى توپتارمەن جابىق ءۇي-جايلاردا كەزدەسۋگە رۇقسات بەرىلدى. مەيرامحانالار مەن پابتار، مۇراجايلار، كينوتەاترلار مەن سپورت زالدارى جۇمىسىن قايتا باستايدى.

پورتۋگاليا ەلگە ەو-نىڭ باسقا ەلدەرىنەن كەلگەن ساياحاتشىلار ءۇشىن كارانتيندىك شەكتەۋلەردى جەڭىلدەتەدى. ناقتى ايتقاندا، بۇل سوڭعى ەكى اپتادا جاڭا ينفەكتسيالار سانى 100 000 تۇرعىنعا شاققاندا 500 جاعدايدان اسپاعان ەۋرووداق ەلدەرىنە قاتىستى بولادى. بۇل ەلدەردەن كەلگەن قوناقتار كوروناۆيرۋسقا قارسى تەستىلەۋدىڭ تەرىس ناتيجەلى انىقتاماسى بولسا، پورتۋگالياعا ەش كەدەرگىسىز كىرە الادى.

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار