ايماقتار • 17 مامىر، 2021

الماتىدا قانشا ادام QazVac ۆاكتسيناسىن سالدىردى؟

21 رەت كورسەتىلدى

الماتىدا اقپان ايىنىڭ العاشقى كۇنىنەن باستاپ ماقساتتى توپتاردى يممۋنداۋ، ساۋىردەن بەرى جاپپاي ۆاكتسيناتسيالاۋ قولعا الىنعانى ايان. سودان بەرى مەگاپوليستىڭ 270 568 تۇرعىنى ۆاكتسينالانعان، ولاردىڭ 30 مىڭنان استامى 60 جاستان اسقاندار.

الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى مىندەتىن اتقارۋشى لاۋرا مىرزاعالي قالادا 214 ۆاكتسينالاۋ پۋنكتى جۇمىسىن جالعاستىرىپ وتىرعانىن، 1 282 ادامنان تۇراتىن 315 ەگۋ بريگاداسىنىڭ تولىق رەجيمدە جۇمىس ىستەيتىنىن مالىمدەدى.

ءوز كەزەگىندە الماتىلىقتار ەكپەنى مەديتسينالىق ۇيىمداردا، مەكتەپتەردە، سوو-دا، بازارلاردا، مادەنيەت جانە سپورت نىساندارىندا، ءتىپتى مەشىتتەردە دە الا الادى. لاۋرا مىرزاعاليدىڭ ايتۋىنشا، 250 ەگۋ پۋنكتىن ىسكە قوسۋ جوسپارلانعان، سونداي-اق جىلجىمالى پۋنكتتەر دە جۇمىس ىستەيدى.

«بۇگىنگى تاڭدا بارلىعى 270 568 ادام ۆاكتسينالاندى، ونىڭ ىشىندە 19 435 قۇقىق قورعاۋ ورگاندارىنىڭ قىزمەتكەرى، 20 896 پەداگوگ، 27 045 مەديتسينا قىزمەتكەرى. قالعاندارى – ديسپانسەرلىك ەسەپتە تۇرعان تۇلعالار، ستۋدەنتتەر، زەينەتكەرلەر جانە 60 جاستان اسقاندار، مەملەكەتتىك قىزمەتكەرلەر مەن قالا تۇرعىندارى»، دەدى قوعامدىق دەنساۋلىق ساقتاۋ باسقارماسىنىڭ وكىلى.

جالپى ەگىلگەندەردىڭ ىشىندە 60 جاستان اسقانداردىڭ سانى – 30 421 بولسا، 2 991 الماتىلىق قازاقستاندىق QazVac ۆاكتسيناسىن سالدىردى. قىتايلىق Sinopharm ۆاكتسيناسى 3 365 ادامعا ەگىلدى.

لاۋرا مىرزاعالي قالا مەن ەل تۇرعىندارىن بەلسەندى تۇردە ۆاكتسينالانۋعا شاقىردى، ويتكەنى ۆاكتسينالانۋ ارقىلى عانا COVID-19-دان قورعانۋعا بولادى.

ء«بىزدىڭ دارىگەرلەر 24/7 رەجيمىمەن جۇمىس ىستەيدى، ولار تۋىستارىن كورمەيدى ءارى شارشايدى. ۆاكتسينالانۋ ارقاسىندا عانا پاندەميانى جەڭەتىنىمىزدى تۇسىنگەن ءجون. يزرايل مىسالىنان كورۋگە بولادى، ولار كوروناۆيرۋسقا قارسى ەكپە الۋ جونىندە الەمدە ءبىرىنشى ورىندا تۇر. مۇندا جۇقتىرۋ سانى نولگە دەيىن تومەندەگەن. مەن وسىنداي ناتيجەلەرگە ءبىز دە جەتەمىز دەپ ۇمىتتەنەمىن»، دەدى لاۋرا مىرزاعالي.

لاۋرا مىرزاعالي جۋرناليستەردىڭ سۇراقتارىنا جاۋاپ بەرە كەلە، اقش-تا 12 جاستان اسقان جاسوسپىرىمدەرگە كوروناۆيرۋستان ەكپە سالۋدىڭ باستالعانىن راستادى. سپيكەر ولاردىڭ ۆەدومستۆوسىندا رەسەيلىك «سپۋتنيك-V» ۆاكتسيناسىن جاساۋشىلارمەن ن.گامالەي اتىنداعى ينستيتۋتتان الەكساندر گينتسبۋرگپەن كەڭەسكەنىن اتادى. عالىمنىڭ ايتۋىنشا، قازىرگى كەزدە كلينيكالىق سىناقتار ءجۇرىپ جاتىر. سىناقتار اياقتالعان سوڭ ونى رەسەيدە قولدانۋعا بولادى. ال قازاقستاندا ازىرگە 18 جاستان اسقان ادامداردىڭ ۆاكتسينا الۋىنا رۇقسات ەتىلگەن.

قوعامدىق دەنساۋلىق ساقتاۋ باسقارماسىنىڭ وكىلى بارلىق كەزەڭ ىشىندە الماتىعا 9 ترانشپەن ۆاكتسينانىڭ 302 985 دوزاسى جەتكىزىلگەنىن مالىمدەدى. جالپى كولەمنىڭ ىشىندە QazVac ۆاكتسيناسىنىڭ ءبىرىنشى ترانشى 3 مىڭدى قۇرادى. Sinopharm ۆاكتسيناسىنىڭ 15 مىڭ دوزا كولەمىندەگى العاشقى جەتكىزىلىمى كەلىپ تۇسكەن.

بۇگىندە الماتىدا I كومپونەنتتىڭ 37 417 دوزاسى، II كومپونەنتتىڭ 78 444 دوزاسى بار.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار