وقيعا • 17 مامىر، 2021

اسەل ايتباەۆانىڭ ءىسى: قازاقستان گرۋزياعا تەرگەۋ توبىن جىبەرەدى

58 رەت كورسەتىلدى

اسەل ايتباەۆانىڭ ءىسى بويىنشا قازاقستان گرۋزياعا جەدەل-تەرگەۋ توبىن جىبەرەدى، دەپ حابارلايدى Egemen.kz.

«جاقىن ارادا حالىقارالىق كەلىسىمگە سايكەس باس پروكۋراتۋرا مەن سىرتقى ىستەر مينيسترلىگى ۇيلەستىرۋىمەن قازاقستان ءىىم گرۋزياعا جەدەل-تەرگەۋ توبىن جىبەرەدى. ونىڭ مىندەتى – وقيعانىڭ بارلىق ءمان-جايىن زەرتتەپ، سوتقا دەيىنگى تەرگەۋ ماتەريالدارى بويىنشا گرۋزيا تاراپىمەن اقپارات الماسۋ»، دەدى ءىىم رەسمي وكىلى ءنۇردىلدا وراز بريفينگتە.

ول نۇر-سۇلتان قالاسىنىڭ پوليتسيا دەپارتامەنتىندە گرۋزيادا قازا تاپقان قىزدىڭ اتا-اناسىنىڭ ءوتىنىشى نەگىزىندە ازامات مەيىربەكوۆكە قاتىستى شارا قابىلداۋ تۋرالى قر قك-نىڭ 128-بابى بويىنشا سوتالدى تەرگەۋدى باستالعانىن ايتتى.

ەسكە سالايىق، قازاقستاندىق اسەل ايتباەۆا 5 مامىردا تبيليسيدە تۇسىنىكسىز جاعدايدا قايتىس بولدى. قىز كوپقاباتى ءۇيدىڭ تەرەزەسىنەن قۇلاپ كەتكەن. ونىڭ ولىمىنە قاتىسى بار دەگەن كۇدىكپەن گرۋزيادا ەر ادام ۇستالدى. قىلمىستىق كودەكستىڭ ەكى بابى بويىنشا سوتقا دەيىنگى تەرگەۋ شارالارى باستالدى. كۇدىكتىگە زورلاۋ جانە ادامنىڭ ار-نامىسىن كەمسىتۋ ارقىلى ءوزىن-ءوزى ولتىرۋگە دەيىن جەتكىزۋ سياقتى ايىپتار تاعىلىپ وتىر.

مارقۇمنىڭ اپكەسىنىڭ سوزىنشە، اسەل قايتىس بولار الدىندا قۇربىسىنا اۋديوحابارلاما جىبەرىپ ۇلگەرگەن. اۋديودا بەلگىسىز ەر ادامنىڭ وعان قوقان-لوقى كورسەتىپ جاتقانى ەستىلەدى. 

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار