قوعام • 17 مامىر، 2021

ۇلتتىق ساناق كەزىندە call-ورتالىق ىسكە قوسىلادى

26 رەت كورسەتىلدى

ۇلتتىق ساناق جۇرگىزىلەتىن ۋاقىتتا «1446» بىرىڭعاي call-ورتالىعى ىسكە قوسىلادى، دەپ حابارلايدى Egemen.kz.

قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتكەندەي، ەلدىڭ بارلىق اۋماعىنداعى ءموبيلدى جانە ستاتسيونارلى تەلەفوندار ءۇشىن بىرىڭعاي - 1446 ءنومىرى جۇمىس جاسايدى.

سونداي-اق 8 8000 800 878 نومىرىنە قوڭىراۋ شالۋعا بولادى. سall-ورتالىققا قوڭىراۋ شالۋ – تەگىن.

«رەسپوندەنت call-ورتالىققا 1446 ءنومىرى بويىنشا قوڭىراۋ شالعان كەزدە ۇلتتىق ستاتيستيكا بيۋروسىنىڭ وڭىرلەردەگى جانە ورتالىق اپپاراتتاعى سايكەستى تەلەفون نومىرلەرىنە اۆتوماتتى تۇردە قوسىلادى.

سونىمەن قاتار رەسپوندەنتتەر كەز كەلگەن ارىز-ساۋالمەن نەمەسە كەڭەس الۋ ءۇشىن بيۋرونىڭ http://stat.gov.kz ينتەرنەت-رەسۋرسىنا، بيۋرو باسشىسىنىڭ بلوگىنا، سونداي-اق الەۋمەتتىك جەلىلەر ارقىلى (YouTube، Facebook، Instagram، Telegram) جۇگىنە الادى»، دەپ ناقتىلادى.

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار