وسىعان بايلانىستى نۇر-سۇلتان قالاسى بويىنشا قاجد لاۋازىمدى تۇلعالارىنا, سونداي-اق قوستاناي جانە جامبىل وبلىستارى پوليتسيا دەپارتامەنتتەرىنىڭ تەرگەۋ بولىمشەلەرىنىڭ ورتا بۋىن باسشىلارىنا قاتىستى سوتقا دەيىنگى تەرگەۋلەر جۇرگىزىلىپ جاتقانىن حابارلايمىز.
وسى فاكتىلەر بويىنشا تولىق اقپارات قازىرگى ۋاقىتتا تەرگەۋ اياسىندا جاريالاۋعا جاتپايدى. سونىمەن قاتار, ءىىم جۇرگىزىلىپ جاتقان رەفورمالارعا سايكەس ءوز قاتارىنداعى زاڭدىلىقتى ساقتاۋ, بۇزۋشىلىقتاردى جويۋ جانە مەملەكەتتىك قىزمەتكە كىر كەلتىرەتىن كەز كەلگەن ءىس-قيمىلدىڭ جولىن كەسۋ جونىندەگى جۇيەلى شارالاردى ىسكە اسىرۋدى جالعاستىرىپ جاتقانىن اتاپ ءوتۋ قاجەت.
«ەل باسشىلىعى ءىىم الدىنا سىبايلاس جەمقورلىقتى جويۋ جانە پوليتسيا قاتارىندا ءتارتىپ ورناتۋ بويىنشا مىندەت قويعان كەزدە, ولاردىڭ ورىندالمايتىندىعى تۋرالى پەسسيميستىك بولجامدار ايتىلدى. بىراق بۇگىنگى تاڭدا جۇمىس ناتيجەلەرىن بەرۋدە: پاراقورلىق فاكتىلەرى ەكى ەسە, سىبايلاس جەمقورلىق قىلمىستىق قۇقىق بۇزۋشىلىقتار ۇشتەن بىرگە ازايدى. بۇل وتكەن جىلمەن سالىستىرعاندا اعىمداعى جىلدىڭ ءتورت ايىنداعى دەرەكتەر. بۇل جۇمىس حالىقتىڭ سەنىم دەڭگەيىن ارتتىرۋ جانە ازاماتتاردىڭ پوليتسياعا دەگەن سەنىمىن قايتارۋ ءۇشىن جالعاساتىن بولادى», دەپ اتاپ ءوتتى مينيستر ەرلان تۇرعىمباەۆ.
ۆەدومستۆو باسشىسىنىڭ تاپسىرماسى بويىنشا قىزمەتكەرلەردىڭ سىبايلاس جەمقورلىققا قارسى يممۋنيتەتىن ارتتىرۋعا, وسىنداي قۇقىق بۇزۋشىلىقتاردىڭ الدىن الۋعا جانە جول بەرمەۋگە باسا نازار اۋدارىلادى.
جەكە قۇرامعا قۇقىق قورعاۋ ورگاندارىنىڭ قىزمەتكەرلەرى جاساعان سىبايلاس جەمقورلىق قۇقىق بۇزۋشىلىقتار ءۇشىن جاۋاپكەرشىلىكتى قاتاڭداتۋ بولىگىندە قىلمىستىق زاڭناماداعى وزگەرىستەر تۇسىندىرىلەدى. قازىرگى ۋاقىتتا وزىندىك قاۋىپسىزدىك دەپارتامەنتىنىڭ جۇيەلى جۇمىسى ىسكە اسىرىلىپ جاتىر.
