قاتارداعى جاۋىنگەر دارحان مىرزاباەۆ 16 مامىر تۇنگى ساعات 3:00 شاماسىندا قولعا ءتۇستى. ونى اسكەري پوليتسيا قىزمەتكەرلەرى سارىوزەك ستانساسىنان تاپقان.
«قاشىپ كەتكەن ازامات ءۇيىن ساعىنعاندىقتان وسىنداي قادامعا بارعانىن ايتتى. قازىر مىرزاباەۆ وتان الدىندا بورىشىن وتەپ جاتقان اسكەري بولىمشەگە جەتكىزىلدى. وعان قاتىستى قىزمەتتىك تەكسەرىس ءجۇرىپ جاتىر. سوعان سايكەس ءتيىستى تارتىپتىك شارا قولدانىلاتىن بولادى» دەلىنگەن ۇلتتىق ۇلاننىڭ ءباسپاسوز قىزمەتى تارتقان حابارلامادا.
ايتا كەتەيىك, 14 مامىر كۇنى الماتى وبلىسىنىڭ زارەچنىي اۋىلىندا ورنالاسقان 5574 اسكەري بولىمىنەن قاتارداعى جاۋىنگەر دارحان مىرزاباەۆ قاشىپ كەتتى. ونى اسكەردىڭ جەكە قۇرامى ىزدەپ, قولعا ءتۇسىردى. ايتا كەتەيىك, د. مىرزاباەۆ شىعىس قازاقستاننىڭ جارما اۋدانىنان اسكەرگە شاقىرىلعان ەدى.
