وبلىستىق پوليتسيا دەپارتامەنتىنىڭ مالىمەتىنشە, بيىل جىل باسىنان بەرى 67 جول-كولىك وقيعاسى تىركەلگەن. (2020 جىلى 65 جول-كولىك وقيعاسى). جول-كولىك وقيعاسىنىڭ باسىم بولىگى ەلدى مەكەندەردە, رەسپۋبليكالىق جانە حالىقارالىق ماڭىزى بار جولداردا بولادى.
«اقتوبە وبلىسىنىڭ اۋماعىندا 1-10 مامىر ارالىعىندا ادام ولىمىمەن اياقتالعان جول-كولىك وقيعاسىنىڭ 28 فاكتىسى انىقتالىپ, ناتيجەسىندە 34 ادام قازا تاپتى. ءبىر جول-كولىك وقيعاسى ارىنوۆ كوشەسىندە بولدى.
ءۇش اي بۇرىن جۇرگىزۋشى كۋالىگىن العان 18 جاستاعى جۇرگىزۋشى جول قوزعالىسى ەرەجەلەرىنىڭ تالاپتارىن ەلەمەي, جولدىڭ ءجۇرىس بولىگىنەن رەتتەلمەيتىن جاياۋ جۇرگىنشىلەر وتكەلىندە ەكى ادامدى قاعىپ كەتتى, ناتيجەسىندە ولار كوز جۇمدى, ءۇش بالا جەتىم قالدى.
وتباسىلىق جۇپ ءتورتىنشى بالاسىنىڭ جارىق دۇنيەگە كەلۋىن كۇتكەن ەكەن. بۇل جاعدايدان كولىك جۇرگىزۋشىلەرىنىڭ مەتەورولوگيالىق جانە جول جاعدايلارىن ەسكەرمەيتىندىگىن, جىلدامدىق رەجيمىن ساقتامايتىندىعىن, قاراما-قارسى قوزعالىس جولاقتارىنا شىعىپ, باسىپ وزۋ مانەۆرىن جاسايتىندىعىن, جاياۋ جۇرگىنشىلەرگە جول بەرمەي, قوزعالىس قاۋىپسىزدىگىنە كوز جەتكىزبەيتىندىگىن كورسەتەدى. ناتيجەسىندە, جاۋاپسىزدىق سالدارىنان قايعىلى جاعدايلار ورىن الىپ جاتادى», دەيدى وبلىستىق پوليتسيا دەپارتامەنتىنىڭ وكىلدەرى.
وسىعان بايلانىستى پوليتسيا دەپارتامەنتى كولىك جۇرگىزۋشىلەرىنەن جولداردا مۇقيات بولۋدى سۇرايدى, ويتكەنى ويلانباي ىستەگەن ارەكەتتىڭ ارتى جازاتايىم وقيعاعا اكەلىپ سوقتىرادى.
