وقيعا بۇگىن, 14 مامىردا ساعات 10:58-دە بولعان. وسى ساتتە قىزىلوردا وبلىستىق توتەنشە جاعدايلار دەپارتامەنتىنە حابار كەلىپ تۇسكەن.
ءورت شىققانىن ءبىرىنشى بولىپ بايقاعان كۋاگەرلەردىڭ ايتۋىنشا, اباي داڭعىلى بويىنداعى №48 ءۇيدىڭ بەسىنشى قاباتىنداعى پاتەردىڭ بالكونى وتقا ورانعان.
ء«ورت سوندىرۋشىلەر وقيعا ورنىنا جىلدام جەتتى. بارلاۋ جۇمىستارىنىڭ ناتيجەسىندە وقيعانىڭ ءمان-جايى انىقتالدى. ءورت سوندىرۋشىلەردىڭ جەدەل جانە بىرىككەن ءىس-قيمىلىنىڭ كومەگىمەن جوعارعى قاباتتان بارلىعى 13 ادام قاۋىپسىز جەرگە شىعارىلدى. ولاردىڭ 2-ەۋى بالا. سونداي-اق ورتتەن وزدىگىنەن جۇرە المايتىن ءبىر ازاماتشا قۇتقارىلدى. ساعات 11:10-دە ءورتتىڭ بەتى قايتتى, 11:18-دە تولىعىمەن ءسوندىرىلدى. ءورتتىڭ شىعۋ سەبەبى مەن شىعىنى انىقتالۋدا», دەپ حابارلادى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.
