ءبىلىم • 14 مامىر، 2021

ءبىلىم ءمينيسترى وقۋشىلاردىڭ پاندىك وليمپياداسى قالاي وتەنىنىن ايتتى

17 رەت كورسەتىلدى

وقۋشىلاردىڭ پاندىك وليمپياداسىنىڭ وبلىستىق جانە رەسپۋبليكالىق كەزەڭدەرى تەك ەلەكتروندى فورماتتا وتەدى. بۇل جايىندا قر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى Egemen.kz.

«جاقىندا ۇبت-نى ەلەكتروندىق فورماتقا كوشىرۋ تۋرالى پوست جاريالادىم. بۇل وزگەرىستەردى قوعام جاقسى قابىلداپ، قولداۋ ءبىلدىردى. بىراق، ءبىز تەك ۇلتتىق بىرىڭعاي تەستىلەۋدى عانا ەمەس، بارلىق ىرىكتەۋ ءىس-شارالارىنىڭ فورماتىن اشىقتىق پەن ادىلدىكتى قامتاماسىز ەتۋ ءۇشىن وزگەرتۋدەمىز. وسى باستامالار تۋرالى قىسقاشا توقتالار بولسام، بىرىنشىدەن، وقۋشىلاردىڭ پاندىك وليمپياداسى. ءبىز بيىل اقپان ايىندا العاش رەت وقۋشىلار اراسىندا رەسپۋبليكالىق وليمپيادانى ەلەكتروندىق فورماتتا وتكىزدىك»،  دەپ جازدى مينيستر Facebook پاراقشاسىندا.

ونىڭ ايتۋىنشا، وليمپيادا بارىسىندا ءار قاتىسۋشىعا جەكە كومپيۋتەر بەرىلىپ، ءىس-ارەكەتىن بەينەكامەرا باقىلاپ وتىردى. سونداي-اق ارنايى ورتالىقتا كەزەكشىلەر بارلىق پروتسەستى قاداعالاي الىپ، پروكتورينگ جۇيەسى دە قولدانىلدى. الەۋمەتتىك جەلىلەردە جانە ارنايى پورتالدا اشىق ترانسلياتسيا جۇرگىزىلدى.

«سونىمەن قاتار ءبىز بيىل وليمپيادا تاپسىرمالارىن تەكسەرۋ جۇيەسىن دە وزگەرتتىك. بۇرىن قازىلار القاسى مۇشەلەرىنە بالالاردىڭ جۇمىستارى پروپورتسيونالدى تۇردە بەرىلسە، ەندى باعالاۋ كەزىندە سۋبەكتيۆيزمدى تومەندەتۋ ءۇشىن قازىلار القاسىنىڭ ءار مۇشەسى ءبىر عانا تاپسىرمانى كورىپ، باعالاي الدى. كەلەسى جىلدارى دا وليپيادانىڭ وبلىستىق جانە رەسپۋبليكالىق كەزەندەرى تەك قانا وسىنداي فورماتتا وتەتىن بولادى»،  دەدى اسحات ايماعامبەتوۆ.

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار