ەلىمىزدىڭ ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىءنىڭ مالىمەتىنشە, كيىكتەردىڭ ءولىمى نايزاعايدان بولۋى مۇمكىن. قازىر تەكسەرۋ جۇرگىزىلۋدە.
وقىس وقيعا باتىس قازاقستان وبلىسىنىڭ جانىبەك اۋدانىنا قاراستى تاۋ اۋىلدىق وكرۋگىندە بولعان. ولگەن كيىكتەردى الدىمەن كورگەن جەرگىلىكتى تۇرعىندار ولگەن اقبوكەندەردىڭ بەينەجازباسىن الەۋمەتتىك جەلىگە تاراتقان. باتىس قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى قايرات قادەشەۆ وسىنداي وقيعانىڭ بولعانىن راستاپ وتىر.
«ءبىزدىڭ ينسپەكتورلار وقيعا بولعان جەرگە باردى. ولگەن اقبوكەندەردىڭ دەنەسىندە ءتىلىپ-كەسىپ وتكەن ىزدەر بايقالدى.جەرگىلىكتى حالىقتىڭ ايتۋىنشا, وسى ماڭدا جاقىندا نايزاعايلى جاۋىن بولعان. كيىكتىڭ ءولىمى وسى نايزاعايدان بولۋى مۇمكىن دەگەن بولجام بار. قءازىر قوسىمشا سىنامالار الىنىپ, زەرتتەۋگە جىبەرىلءدى. ناقتى ناتيجەسى كەيىن بەلگىلى بولادى. ازىرگە 372 باس كيىكتىڭ ولىگى تابىلدى», دەگەن قايرات قادەشەۆ.
