قازاقستان • 13 مامىر، 2021

قازاقستاندا 3،8 ملن جەڭىل كولىك تىركەلگەن

19 رەت كورسەتىلدى

قازاقستاندا تىركەلگەن جەڭىل كولىكتەر سانى 3،8 ميلليوننان استامدى قۇرادى. بۇل تۋرالى قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى Egemen.kz.

2021 جىلعى قاڭتار-ناۋرىزدا قازاقستان رەسپۋبليكاسىندا 224 421 جەڭىل اۆتوموبيل تىركەلدى. بۇل، بىلتىرعى جىلدىڭ ءتيىستى كەزەڭىمەن سالىستىرعاندا 3،5% كوپ.

2021 جىلعى 1 ساۋىردەگى جاعداي بويىنشا، ەلىمىزدە تىركەلگەن جەڭىل كولىك سانى 3849،9 مىڭ بىرلىكتى قۇرادى. سونداي -اق ستاتيستيكا مالىمەتىنە سايكەس، بيىلعى قاڭتار-ناۋرىز ارالىعىندا 2621 جول-كولىك وقيعاسى تىركەلىپ، 3968 ادام زارداپ شەككەن. وتكەن جىلعى ءتيىستى كەزەڭمەن سالىستىرعاندا اپاتتىلىق 4،3% ازايدى.

2021 جىلعى 1 ساۋىردەگى جاعداي بويىنشا، كولىك قۇرالدارى يەلەرىنە ساقتاندىرۋ ۇيىمدارى 8،8 ملرد تەڭگە سوماسىنا 19 627 ساقتاندىرۋ تولەمىن جاسادى.

سوڭعى جاڭالىقتار

ۇقساس جاڭالىقتار