فينال ىستامبۇلداعى اتاتۇرىك وليمپيادا ستاديونىندا ءوتۋى كەرەك ەدى. كوروناۆيرۋس ينفەكتسياسىن جۇقتىرۋ كورسەتكىشىن ازايتۋ ماقساتىنداعى شەكتەۋلەرگە بايلانىستى ويىن تۇركيادان پورتۋگاليانىڭ پورتۋ قالاسىنا اۋىستىرىلدى.
پورتۋگاليا انگليانىڭ «جاسىل» تىزىمىنە ەنگەن, ال تۇركيا «قىزىل» تىزىمدە. ويىن وتەتىن ەلدىڭ وزگەرۋىنە وسى جاعداي سەبەپ بولسا كەرەك.
سونىمەن پورتۋگاليادا وتەتىن ويىندى قوس كلۋبتان كەلگەن 12 000 جانكۇيەر الاڭنان تاماشالاي الادى.
«بۇل ماتچتى جانكۇيەرلەرسىز وتكىزۋ مۇمكىن ەمەس ەدى. سوندىقتان مەن وسىنداي مۇمكىندىك تابىلعانىنا قۋانىشتىمىن», دەيدى ۋەفا پرەزيدەنتى الەكساندر سەفەرين.
ايتا كەتەيىك, الداعى ۋاقىتتا كوروناۆيرۋس ينفەكتسياسىنىڭ تارالۋ دەڭگەيىنە بايلانىستى ءتۇرلى وزگەرىستەر بولۋى دا عاجاپ ەمەس.
