قازىرگى تاڭدا تەك فرانتسيا ۇكىمەتى ەلدىڭ شەكاراسىن كەسىپ ءوتۋ ءۇشىن قاجەت پتر سىنامالارىنىڭ شىعىندارىن وتەيدى. ال باسقا ەلدەردە تەستىلەۋ تولىعىمەن نەمەسە ءىشىنارا ساياحاتشىلاردىڭ وزدەرى ەسەبىنەن جۇزەگە اسىرىلادى. ماسەلەن, ءبىر ەلدەردە باعالار شامامەن 30 دوللاردان باستالىپ, 200 دوللاردان اسادى.
سەبەبى ازاماتتاردىڭ ءبىر ەلدەن ەكىنشى ەلگە ۇشۋعا كەتەتىن شىعىندارى تەك اۋە بيلەتىنىڭ قۇنىنان عانا ەمەس, سونىمەن قاتار COVID-19-عا مىندەتتى زەرتتەۋلەرگە جۇمسالاتىن شىعىنداردان دا قۇرالادى. بۇل ورتاشا العاندا جول قۇنىن 45 پايىزعا, ال قايتا تەستىلەۋ جاعدايىندا 90 پايىزعا ارتتىرادى.
IATA باقىلاۋلارى ىشكى رەيستەردە تەستىلەۋ تالاپتارى الىنىپ تاستالعان ەلدەردە رەيستەرگە سۇرانىس ايتارلىقتاي وسكەنىن كورسەتەدى. ءدال وسىنداي نارىقتىق رەاكتسيانى حالىقارالىق جەلىلەردەگى سىناقتاردىڭ باعا ماسەلەسىن, اسىرەسە كوپ قولدانىلاتىن پتر-تەست باعاسىن رەتتەۋدەن كۇتۋگە بولادى.
سونىمەن قاتار قاۋىمداستىقتىڭ ديرەكتورى كولىك جانە تۋريزم سالاسىنداعى جۇمىس ورىندارىن ساقتاۋ ءۇشىن پتر-تەستىڭ باعاسىن رەتتەۋ كەرەكتىگىن باسا ايتتى.
