تەننيس • 13 مامىر، 2021

بارتيمەن شەبەرلىك بايقاستى

4 رەت كورسەتىلدى

يتاليانىڭ باس شاھارى – ريمدە ءوتىپ جاتقان تەننيستەن حالىقارالىق WTA 1000 ءتۋرنيرىنىڭ العاشقى اينالىمىندا جىگەرلى جەڭىسكە قول جەتكىزگەن قازاقستان ايەلدەر قۇراماسىنىڭ كاپيتانى ياروسلاۆا شۆەدوۆا جارىستىڭ كەلەسى اينالىمىنا جولداما العان ەدى.

دۇنيەجۇزىلىك رەيتينگتە 665-ورىندا تۇرعان يا.شۆەدوۆا باستاپقى كەزدەسۋىن الەمنىڭ 97-راكەتكاسى، يتاليالىق مارتينا ترە­ۆيزانمەن وتكىزدى. ءبىرىنشى پارتيادا م.ترە­ۆيزان وتانداسىمىزعا بىردە-ءبىر گەيم بەرگەن جوق – 6:0. ەسەسىنە ەكىنشى سەت­تە يا.شۆەدوۆا تاي-برەيكتە 7:6 (7:4) ەسە قايتاردى. شەشۋشى ءۇشىنشى پارتيادا قازاقستاندىق تەننيسشى تاعى دا تاي-برەيك جاساپ، كورت قوجايىنىنان جەڭىستى ج ۇلىپ الدى – 7:6 (8:6). تارتىستى وتكەن باسەكە 2 ساعات 35 مينۋتقا سوزىلدى. شۆە­دوۆا ەكىنشى اينالىمدا الەمنىڭ 1-راكەتكاسى، اۋستراليالىق ەشلي بارتيمەن شەبەرلىك بايقاستى. وكىنىشكە قاراي، جەرلەسىمىز 6:1، 6:4 ەسەبىمەن جەڭىلۋگە ءماجبۇر بولدى.

ال اتالعان تۋرنيردە باق سىناعان الەك­ساندر بۋبليك پەن يۋليا پۋتينتسەۆا ءبىرىنشى اينالىمدا-اق سۇرىنگەن ەدى. بۋبليك حورۆا­تيالىق مارين چيليچتەن جەڭىلسە، پۋتينتسەۆا امە­ريكالىق كوري گاۋفكە ەسە جىبەردى. سون­داي-اق ميحايل كۋكۋشكين ىرىكتەۋ سىنىنان وتە الماعان بولاتىن.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار