ونەر • 13 مامىر، 2021

ستۋدەنتتەردىڭ ءسوز سايىسى

19 رەت كورسەتىلدى

تاۋەلسىزدىگىمىزدىڭ 30 جىلدىعى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 25 جىلدىعىنا وراي «ەڭ ءبىرىنشى باقىتىم...» اتتى رەسپۋبليكالىق ستۋدەنتتەر ايتىسى ءوتتى. ايتۋلى داستۇرگە اينالعان جىر دوداسىنا 10 اقىن قاتىسىپ، ءسوز سايىسىنىڭ كورىگىن قىزدىردى.

ايتىستى اتالعان جوعارى وقۋ ورنىنىڭ تەلەراديو جانە قوعام­مەن بايلانىس كافەدراسىنىڭ مەڭ­گەرۋشىسى، اقىن سەرىكزات دۇيسەنعازين جۇرگىزىپ وتىردى.

اۋىزدىعىمەن الىسقان جاس جۇي­رىك­تەردىڭ ونەرىن امانجول ءالتاي، داۋ­لەتكەرەي كاپ ۇلى، يرانعايىپ كۇزەم­باەۆ، ەركەبۇلان قاينازاروۆ سەكىلدى ەلىمىزگە تانىمال ايتىسكەر­لەر­مەن بىرگە ۋنيۆەرسيتەتتىڭ كاسىپ­وداق ۇيىمىنىڭ توراعاسى ماقسات ارالحانوۆ ساراپقا سالدى.

ءتورت ساعاتقا سوزىلعان ءدۇبىرلى دودا تارتىسقا تولى بولدى. جاس اقىن­دار ەلىمىزدىڭ وتكەنى مەن كە­لە­شەگىن، مۇڭى مەن قۋانىشىن كور­كەم سوزبەن ورنەكتەدى. قازاقى قال­جىڭنىڭ دا ءتۇبىن ءتۇسىردى.

سونىمەن ەلىمىزدىڭ ءار وڭىرىندەگى جوعارى وقۋ ورىندارىنىڭ ۇكىلەپ جىبەرگەن اقىندارى جينالعان بايگەدە باس جۇلدەنى − قورقىت اتا اتىندا­عى قىزىلوردا ۋنيۆەرسيتەتىنىڭ ستۋدەن­تى بەكسۇلتان ورىنباساروۆ جەڭىپ الدى. ءبىرىنشى ورىندى قازاق ۇلت­تىق ونەر ۋنيۆەرسيتەتىنىڭ ستۋدەنتى تورە­حان سوۆەت يەلەنسە، ەكىنشى ورىن − ح.دوس­مۇحامەدوۆ اتىنداعى اتى­راۋ ۋني­ۆەرسيتەتىنىڭ ستۋدەنتى فا­ريزا جەت­پىسباەۆاعا بۇيىردى. ءۇشىن­شى ورىن­دى قازاق ۇلتتىق ونەر ۋني­ۆەر­سيتەتىنىڭ ستۋدەنتى مۇحيت بابا­قۇل قاناعات تۇتتى.

سونداي-اق قاتىسۋشىلارعا جۇ­لدەدەن بولەك، ەلوردانىڭ رۋحاني ورتاسىنا اينالعان ل.ن.گۋميلەۆ اتىن­داعى ەۋرازيا ۋنيۆەرسيتەتىندە قىز­مەت ىستەپ، شاكىرت تاربيەلەگەن، بۇگىندە ارامىزدا جوق، حالقىمىزدىڭ ارداقتى ازاماتتارى اتىنان التى اتالىم تاعايىندالدى. ايتالىق، رىمعالي نۇرعالي اتىنداعى ارنايى جۇلدە م.اۋەزوۆ اتىنداعى وڭتۇستىك قازاقستان مەملەكەتتىك ۋني­ۆەرسيتەتىنىڭ ستۋدەنتى ارداق ورىن­بەككە بەرىلسە، ءدۇرالى دۇي­سەباي اتىنداعى جۇلدەنى م.وتە­مىسوۆ اتىنداعى باتىس قازاقستان ۋني­ۆەر­سيتەتىنىڭ ستۋدەنتى ءادىل اح­مەتوۆ الدى. مىرزاتاي سەرعاليەۆ اتىن­­داعى جۇلدەنى پاۆلودار پە­دا­گوگيكالىق ۋنيۆەرسيتەتىنىڭ ستۋ­دەنتى ءجۇمالى ميزام يەلەنسە، ءناۋ­بات قاليەۆ اتىنداعى جۇل­دەگە ل.ن.گۋمي­لەۆ اتىنداعى ەۋرا­­زيا ۇلتتىق ۋني­ۆەرسيتەتىنىڭ ستۋ­­دەنتى مۇحتار ۇلعاس­باەۆ لا­يىق­تى دەپ تانىلدى. اقسەلەۋ سەي­دىم­بەك اتىنداعى جۇلدە ە.ا.بوكە­توۆ اتىن­داعى قاراعاندى مەملەكەتتىك ۋني­ۆەر­سيتەتىنىڭ ستۋدەنتى جاندوس باقىت­­ ۇلىنا بۇيىرسا، مىرزاگەلدى كەمەل اتىنداعى جۇلدە ل.ن.گۋمي­لەۆ اتىن­­­داعى ەۋرازيا ۇلتتىق ۋني­­ۆەر­­سي­تە­تىنىڭ ستۋدەنتى ەراسىل باي­مەن­­تاەۆكە تابىس ەتىلدى.

سونىمەن قاتار ايتىسقا قولداۋ كورسەتكەن قازاقستاندىق سالالىق ءبىلىم جانە عىلىم قىزمەتكەرلەرىنىڭ كاسىپوداعى بارلىق جاس اقىندى با­عالى سىيلىقپەن ماراپاتتادى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار