پارلامەنت • 13 مامىر، 2021

حالىقپەن 200-دەن استام كەزدەسۋ وتكىزدى

7 رەت كورسەتىلدى

سەناتورلار وتكەن اپتادا ەل ايماقتارىندا ساپاردا بولدى. استانا مەن رەسپۋبليكالىق ماڭىزى بار قالالار جانە ەلىمىزدىڭ بارلىق وبلىسى تۇگەل قامتىلدى. سەناتورلاردىڭ مۇنداي ءداستۇرلى ساپارلارىنىڭ باستى ماقساتى – حالىقپەن كەزدەسۋ جانە ازاماتتاردى تولعاندىراتىن ماسەلەلەردى تالقىلاۋ بولىپ تابىلادى. سەناتورلار بۇل جولى 200-دەن استام كەزدەسۋ وتكىزدى، جەرلەستەرىنىڭ اماناتىن جيناقتادى، ەلىمىزدىڭ پرەزيدەنتى قاسىم-جومارت توقاەۆتىڭ باستاماسىمەن قولعا الىنعان رەفورمالار مەن پالاتانىڭ زاڭ شىعارۋ قىزمەتىنىڭ ناتيجەلەرى تۋرالى حاباردار ەتتى.

دەپۋتاتتار ساپار بارىسىندا الەۋمەتتىك ماڭىزى بار نىسانداردى، ونىڭ ىشىندە مەكتەپتەردى، اۋرۋحانالاردى، سپورت كەشەندەرىن ارالادى. ولار بىرقاتار قۇرىلىس جانە جوندەۋ جۇمىستارىمەن، سونداي-اق پاندەميا كەزىندەگى جۇمىس ەرەكشەلىكتەرىمەن تانىس­تى. دەپۋتاتتار، ءبىر جاعىنان، ولاردى شەشۋ ءۇشىن زاڭنامالىق وزگەرىستەردى تالاپ ەتەتىن جۇيەلى پروبلەمالاردى انىقتاۋدى، ەكىنشى جاعىنان، سەناتورلار ءوز باقىلاۋىنا الاتىن جەرگىلىكتى ماسەلەلەردىڭ ءتىزىمىن جاساۋدى وزدەرىنىڭ باستى مىندەتى رەتىندە بەلگىلەدى.

سەناتورلار وتان قورعاۋشى كۇنى مەن جەڭىس كۇنى قارساڭىندا اسكەري قىزمەتشىلەرمەن، قۇقىق قورعاۋ ورگاندارى مەن سوت جۇيەسىنىڭ قىزمەتكەرلەرىمەن كەزدەستى. وسى كەزدەسۋلەرگە قاتىسۋشىلار اسكەري قىزمەتشىلەردى الەۋمەتتىك قورعاۋعا جانە بولاشاق وفيتسەرلەردى دايارلاۋ ساپاسىنان باستاپ سوت تورەلىگىن ىسكە اسىرۋ جۇيەسىن جەتىلدىرۋگە باعىتتالعان جاڭا زاڭدارعا دەيىنگى اۋقىمدى ماسەلەلەردى تالقىلادى.

 

* * *

سەناتور مۇحتار قۇل-مۇحاممەد ەلىمىزدىڭ قورعانىس مينيسترلىگىنىڭ جەتەكشى اسكەري وقۋ ورىندارىنىڭ پروفەسسورلىق-وقىتۋشىلىق قۇرامىمەن جانە كۋرسانتتارىمەن كەزدەسۋ وتكىزدى. سەناتور جوعارى ءبىلىمدى، ۇتقىرلىعى جانە تارتىبىمەن ەرەكشەلەنەتىن ءارى ەل تاعدىرىنا جاۋاپكەرشىلىكپەن قارايتىن كۋرسانتتاردى وقىتۋ جوعارى دارەجەدە ۇيىمداستىرىلعانىن اتاپ ءوتتى، سونداي-اق جوعارى اسكەري وقۋ ورىندارىنىڭ باسشىلارىنا ولاردىڭ جۇمىسى ءۇشىن العىس ايتتى.

«ەلىمىزدىڭ ەگەمەندىگى،  اۋماقتىق تۇتاستىعى، وعان ەشكىمنىڭ  تيىسپەيتىنى جانە ونىڭ بولىنبەيتىندىگى، ەتنوسارالىق كەلىسىم مەن حالقىمىزدىڭ بىرلىگىن ساقتاۋ جانە بولاشاق ۇرپاققا جەتكىزۋ قاجەتتىگى – باستى قۇندىلىقتار»، دەپ اتاپ ءوتتى م.قۇل-مۇحاممەد.

 

* * *

الەۋمەتتىك سالا قىزمەتكەرلەرى وسىنداي كەزدەسۋلەر بارىسىندا سەناتورلار الدىندا رەسپۋبليكالىق دەڭگەيدە ءوز شەشىمدەرىن تالاپ ەتەتىن جۇيەلى ماسەلەلەردى كوتەردى. سەناتتىڭ قارجى جانە بيۋدجەت كوميتەتىنىڭ توراعاسى ولگا پەرەپەچينا سولتۇستىك قازاقستان وبلىسىندا ءوڭىردىڭ مەديتسينا قىزمەتكەرلەرىمەن دەنساۋلىق ساقتاۋ سالاسىن قارجىلاندىرۋ ماسەلەسىن تالقىلادى. ونكولوگيالىق ناۋقاستارعا حيميوتەراپيالىق كومەكتى قارجىلاندىرۋداعى قيىندىقتار، مەديتسينالىق جابدىقتاردىڭ قولجەتىمدىلىگى جانە دەنساۋلىق ساقتاۋ ۇيىمدارىنىڭ شىعىندارى پروبلەمالاردىڭ ءبىرى بولىپ وتىر.

«دۇرىس ىڭعايلى جانە ءتيىمدى ەمدەۋدى قامتاماسىز ەتۋ سىزدەردىڭ مىندەتتەرىڭىز، بىراق ول جەتكىلىكتى دارەجەدە قارجىلاندىرىلماسا مۇمكىن بولمايدى. جىل سايىن رەسپۋبليكالىق بيۋدجەتتىڭ قوماقتى كولەمى دەنساۋلىق ساقتاۋ سالاسىنا باعىتتالادى. اتالعان پروب­لەمالار باسقا وڭىرلەردە دە كەزدەسەدى دەپ ويلايمىن. تيىسىنشە، مۇنداي ماسەلەلەردى دەنساۋلىق ساقتاۋ مينيسترلىگى دەڭگەيىندە كوتەرۋ قاجەت. مەن ونىمەن اينالىساتىن بولامىن»، دەدى سەناتور و.پەرەپەچينا.

 

* * *

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ توراعاسى داۋرەن ادىلبەكوۆتىڭ اقمولا وبلىسى ساندىقتاۋ اۋدانىنىڭ تۇرعىندارىمەن كەزدەسۋىندە دە دەنساۋلىقتى ساقتاۋ ماسەلەلەرى كوتەرىلدى. دەپۋتات ساپار بارىسىندا بارلىق قويىلعان تالاپتارعا سايكەس كەلەتىن ءارى تولىق جابدىقتالعان جاڭا سپورتتىق-ساۋىقتىرۋ كەشەنىندە بولدى. سەناتور ەلىمىزدە بۇقارالىق جانە بالالار سپورتىن دامىتۋعا ەڭ جوعارى دەڭگەيدە ەرەكشە نازار اۋدارىلىپ وتىرعانىن اتاپ ءوتتى. ەل پرەزيدەنتى قاسىم-جومارت توقاەۆ قازاقستان حالقىنا جولداۋىندا جانە بيىلعى جىلدىڭ قاڭتارىندا VII سايلانعان پارلامەنتتىڭ ءبىرىنشى سەسسياسىنىڭ اشىلۋ سالتاناتىندا سويلەگەن سوزىندە ءدال وسى مىندەتتى شەشۋدىڭ باسىمدىعىن اتاپ وتكەن بولاتىن.

«بۇگىنگى تاڭدا ەلىمىزدە سپورت ينفراقۇرىلىمىن كوبەيتۋگە باسا نازار اۋدارىلىپ وتىر. مۇنداي نىسانداردىڭ قۇرىلىسى بۇقارالىق سپورتتىڭ دامۋىنا سەرپىن بەرەدى، دەمەك، سالاماتتى ءومىر سالتىن ۇستانۋشىلار سانىن ارتتىرادى. بۇل تۇرعىدا ساندىقتاۋ اۋدانى وبلىستاعى سپورت كوشباسشىلارىنىڭ ءبىرى بولىپ تابىلادى»، دەپ اتاپ ءوتتى د.ادىلبەكوۆ.

 

 

سوڭعى جاڭالىقتار

«بارىسقا» جاڭا قاقپاشى كەلدى

حوككەي • بۇگىن، 09:18

COVID-19: بوساڭسۋعا بولمايدى

الەم • بۇگىن، 08:51

تىلگە قۇرمەت – ەلگە قۇرمەت

قازاقستان • بۇگىن، 08:48

ۇقساس جاڭالىقتار