ايماقتار • 12 مامىر، 2021

قاراعاندى – بالقاش باعىتىندا اينالما جول سانى قىسقاردى

39 رەت كورسەتىلدى

قاراعاندى – بالقاش تاسجولىندا اينالما جول سانى قىسقاردى، دەپ حابارلايدى Egemen.kz.

ايتا كەتسەك، قاراعاندى وبلىسىندا «ورتالىق – وڭتۇستىك» كولىك دالىزىنە كىرەتىن قاراعاندى – بالقاش جانە بالقاش – بۋرىلبايتال جولىنىڭ ەكى ۋچاسكەسى قايتا جوندەلۋدە.

قر پرەمەر-ءمينيسترىنىڭ ورىنباسارى رومان سكليار قاراعاندى وبلىسىنا جۇمىس ساپارى بارىسىندا جول قۇرىلىسى بارىسىمەن تانىستى. «قاراعاندى – بالقاش تاس جولىندا جۇمىستار 50% ءبىتتى. وتكەن ەكى جىل ىشىندە ەڭ كولەمدى جۇمىس – نەگىزدى دايىنداۋ جۇزەگە اسىرىلدى. قازىر ءتورت جاڭا جولاق بويىنشا قوزعالىس اشىلعان ۋچاسكەلەر بار.

سونىمەن قاتار، جەر توسەمىن توسەۋ جۇمىستارى جۇرگىزىلۋدە»، دەدى «قازاۆتوجول» ۇك» اق قاراعاندى فيليالىنىڭ ديرەكتورى سەرىك ايدوس. ۇزىندىعى 363 شاقىرىم بولاتىن قاراعاندى-بالقاش جولىنىڭ قۇرىلىسى «نۇرلى جول» مەملەكەتتىك باعدارلاماسى اياسىندا ءجۇرىپ جاتىر. ەكى مەردىگەرلىك ۇيىم جۇمىس ىستەيدى – «قازگەرستروي» بك» جشس جانە CITIC Construction Co.، LTD. 9 اسفالتبەتون زاۋىتى جانە 10 ۇساقتاۋ-سۇرىپتاۋ كەشەنى جۇمىلدىرىلدى. ورىندالاتىن جۇمىستاردىڭ ساپاسىن جاپپاي تەكسەرۋ ءۇشىن وندىرىستىك بازالاردا اتتەستاتتالعان التى جول زەرتحاناسى جۇمىس ىستەيدى. قايتا قالىپقا كەلتىرۋ اياسىندا 10 كوپىر، اۋىل شارۋاشىلىعى تەحنيكاسىنا ارنالعان 32 جول وتپەسى، ەكى كولىك ايرىعى جانە تەمىرجول ارقىلى وتەتىن ءبىر جول وتپەسى قۇرىلىسى قاراستىرىلعان. «سونداي-اق، ۇزىندىعى 150 شاقىرىمدى قۇرايتىن بالقاش – بۋرىلبايتال جولىنىڭ ءۇش ۋچاسكەسىندە جۇمىستار ءجۇرىپ جاتىر»،  دەپ تولىقتىردى سەرىك ايدوس.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار