قازاقستان تەننيس فەدەراتسياسىنىڭ مالىمەتى بويىنشا, اينيتدينوۆا بەلارۋس وكىلى اننا كۋبارەۆامەن بىرگە تۋنيستەگى جارىستا ۇزدىك شىقتى. قازاقستاندىق-بەلارۋستىق جۇپ فينالدا وسى دودانىڭ ءبىرىنشى راكەتكالارى, ۇلىبريتانيالىق سارا بەت گرەي مەن امەريكالىق داشا يۆانوۆادان 7:5, 6:2 ەسەبىمەن ايلاسىن اسىردى. بۇل – گ.اينيتدينوۆانىڭ ITF تۋرنيرلەرىندەگى التىنشى جەڭىسى. سونىڭ ەكەۋىندە جەكەلەي, تورتەۋىندە جۇپتىق سىندا چەمپيون اتاندى.
ال جىبەك قۇلامباەۆا رۋمىنيالىق وانا گاۆريلامەن بىرگە مىسىر استاناسى – كايردە وتكەن حالىقارالىق جارىستىڭ باس جۇلدەسىن ولجالادى. فينالدىق باسەكەدە مىسىرلىق ياسمين ەززات – امەريكالىق كلەرۆي نگونوۋنيمەن باق سىناعان قۇلامباەۆا مەن گاۆريلا قارسىلاستارىنا ەش مۇمكىندىك قالدىرماي, 6:4, 6:0 ەسەبىمەن باسىم ءتۇستى. بۇل – ج.قۇلامباەۆانىڭ ITF دودالارىنداعى توعىزىنشى تيتۋلى. سونىڭ سەگىزىندە ول جۇپتىق سىندا, بىرەۋىندە جەكەلەي سايىستا جەڭىسكە جەتكەن.
