بيەللە قالاسىنان باستالعان ايتۋلى جارىستىڭ ءۇشىنشى كەزەڭى كانالە قالاسىندا مارەگە جەتتى. 190 شاقىرىمعا سوزىلعان قاشىقتىقتى ەڭ ءبىرىنشى بولىپ پەلوتوننان سۋىرىلىپ شىققان 27 جاستاعى Intermarche-Wanty-Gobert Materiaux كومانداسىنىڭ وكىلى نيدەرلاندتىق تاكو ۆان دەر حورن باعىندىردى. ول بۇل ارالىقتى 4 ساعات 21مينۋت 29 سەكۋندتا ءجۇرىپ ءوتتى. ەكىنشى جانە ءۇشىنشى ورىنداردى جەڭىمپازدان ءتورت سەكۋندقا قالىپ قويعان يتاليالىق داۆيدە كيمولاي (Israel Start-Up Nation) مەن سلوۆاكيالىق پەتەر ساگان (Bora-hansgrohe) يەلەندى. Astana – Premier Tech ساپىنان بۇل كەزەڭدە يتاليالىق فابيو فەللين ۇزدىك بولدى. فابيو مارە سىزىعىن 17-ءشى بولىپ كەستى.
ءۇش كەزەڭنىڭ قورىتىندىسى بويىنشا جالپى ەسەپتە INEOS Grenadiers كومانداسىنىڭ ۆەلوشاباندوزى فيليپپو گاننا 8 ساعات 51 مينۋت 26 سەكۋند ۋاقىت كورسەتكىشىمەن كوش باستاپ تۇر. كەيىنگى ورىندارعا Jumbo – Visma وكىلى توبياس سۆەندسەن (16 سەكۋند) جانە Deceuninck – Quick Step سپورتشىسى رەمكو ەۆەنەپوەل (20 سەكۋند) جايعاسقان. ال گاننادان 27 سەكۋندقا كەيىن تۇرعان الەكساندر ۆلاسوۆ 7-ورىندا كەلەدى.
