قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىستىق ءبىلىم باسقارماسىنىڭ باسشىسى سۆەتلانا تولەباەۆا ءمالىم ەتكەندەي, سوڭعى قوڭىراۋ سالتاناتىن ۇيىمداستىرۋ فورماتى تۋرالى شەشىمدى ءار مەكتەپ ءوزى قابىلدايدى.
ونىڭ ايتۋىنشا, قورىتىندى اتتەستاتتاۋ اياقتالعان سوڭ 12-14 ماۋسىم ارالىعىندا مەكتەپ تۇلەكتەرى ءۇشىن اشىق الاڭدا مەكتەپ ءبىتىرۋ كەشتەرى ۇيىمداستىرىلادى.
«مەكتەپ ءبىتىرۋ كەشتەرى بيىل «تاۋەلسىزدىك ۇلاندارى» تاقىرىبىندا وتەدى. ورتا ءبىلىم تۋرالى اتتەستاتتار سالتاناتتى جيىندا تابىستالادى. وقۋشىلار سانى از مەكتەپتەر ءبىتىرۋ كەشىن بارلىق سىنىپ ءۇشىن ءبىر ۋاقىتتا وتكىزە الادى. ەگەر تۇلەكتەر سانى كوپ بولسا, سالتاناتتى شارانى ءارتۇرلى كۇنى وتكىزۋدى قاراستىرۋ قاجەت. شارا بارىسىندا ماسكالىق رەجيم, الەۋمەتتىك اراقاشىقتىق, سانيتارلىق ەرەجەلەر ساقتالۋى ءتيىس», دەدى سۆەتلانا تولەباەۆا.
ايتا كەتەيىك, بيىل وڭىردە 11-سىنىپتى 7011 تۇلەك بىتىرەدى. التىن بەلگىگە 227 ۇمىتكەر, ۇزدىك اتتەستاتقا 359 ۇمىتكەر بار.
