سقو پوليتسيا دەپارتامەنتىنىڭ مالىمەتىنشە, 10 مامىر كۇنى ساعات 18.45-تە اققايىڭ اۋدانىنىڭ ورتالىعى سميرنوۆ اۋىلىندا موتوبلوك پەن كاماز كولىگى سوقتىعىسقان. موتوبلوكتىڭ تىزگىنىندە اققايىڭ اۋىلىنىڭ 39 جاستاعى تۇرعىنى جانە قاسىندا 51 جاستاعى جولاۋشى بولعان. ال جۇك كولىگىن قىزىلجار اۋدانىنىڭ 41 جاستاعى تۇرعىنى جۇرگىزگەن. جول-كولىك وقيعاسىندا موتوبلوكتىڭ جولاۋشىسى جاراقات الىپ, اققايىڭ اۋداندىق اۋرۋحاناسىنا جەتكىزىلدى. الايدا دارىگەرلەر ونىڭ ومىرىنە اراشا تۇسە المادى. مەديتسينالىق كۋالاندىرۋ موتوبلوك جۇرگىزۋشىسىنىڭ ماس بولعانىن كورسەتتى.
«كاماز جۇرگىزۋشىسى ساۋ. اتالعان فاكتى قر قىلمىستىق كودەكسىنىڭ 345-بابى 3 ءبولىمى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. قاجەتتى ساراپتامالار تاعايىندالدى», دەيدى سقو پد انىقتاۋ باسقارماسى باستىعىنىڭ ورىنباسارى جەڭىس تەمىربەكوۆ.
