بۇل تۋرالى سەنات توراعاسى الەۋمەتتىك جەلىدەگى پاراقشاسىندا جازدى.
قۇرمەتتى دوستار!
سوڭعى تاپسىرعان ەكى پتر سىناماسىنىڭ ناتيجەسى ويداعىداي بولىپ, ىندەتتەن جازىلىپ شىقتىم. سوعان بايلانىستى ەكى اپتاعا جالعاسقان كارانتيننەن كەيىن بۇگىن قايتادان قالىپتى جۇمىس فورماتىنا كوشكەنىمدى حابارلايمىن.
جالپى, وسى ۋاقىتتىڭ ىشىندە بويىمدا اۋرۋدىڭ ەشقانداي بەلگىلەرى بايقالعان جوق. سوندىقتان جۇمىسىمدى توقتاتپاي, قاشىقتان اتقارىپ وتىردىم.
وسى رەتتە جىلى لەبىزدەرىڭىزبەن قولداۋ كورسەتىپ, تەزىرەك ساۋىعىپ كەتۋىمە تىلەكتەستىك بىلدىرگەن بارشاڭىزعا العىسىمدى جەتكىزگىم كەلەدى. مەن ءۇشىن مۇنىڭ ماڭىزى زور.
الدىمىزدا ەلدىك مۇددە جولىندا اتقاراتىن ءالى تالاي اۋقىمدى مىندەتتەر تۇر. سولاردى ىسكە اسىرۋ كەزىندە دە وزدەرىڭىزبەن ۇنەمى بايلانىستى بولامىز دەپ سەنەمىن.
وكىنىشكە قاراي پاندەميا قاۋپى ءالى سەيىلگەن جوق. سوندىقتان ساقتىق شارالارىن ۇستانىپ, مەديتسينا قىزمەتكەرلەرى مەن مامانداردىڭ ۇسىنىمدارىن بارىنشا ورىنداۋىمىز كەرەك. بۇل – وزىمىزبەن بىرگە تۋعان-تۋىستارىمىز ءۇشىن دە اسا ماڭىزدى.
بارشاڭىزعا زور دەنساۋلىق تىلەيمىن! امان بولىڭىزدار.
