سالتاناتتى شاراعا 10 مايدانگەر دەنساۋلىعىنا بايلانىستى قاتىسا المادى. اكىمدىك عيماراتىنىڭ الدىنان ساپ تۇزەپ شىققان مەرەكەلىك شەرۋ جەڭىس ساياباعىنا توقتادى. ارداگەرلەر سوعىستا قازا تاپقان جاۋىنگەرلەر مەموريالىنا گۇل شوقتارىن قويىپ, مايدان دالاسىنان ورالماعان قاندىبالاق قارۋلاستارىنىڭ رۋحىنا تاعزىم ەتتى.
ساعات 10:00-دە سيتي-ورتالىقتا تىگىلگەن اسكەري پالاتكالارعا ورنالاستىرىلعان «ماڭگى ەستە» كورمەسى ءوز جۇمىسىن باستادى. كورمەگە سوعىس جىلدارىنان سىر شەرتەتىن فوتوقۇجاتتار, كىتاپتار مەن سول كەزەڭدە پايدالانىلعان قارۋ-جاراق تۇرلەرى مەن اسكەري قۇرالدار قويىلدى.
وبلىستىق تاريحي-ولكەتانۋ مۋزەيى كوپشىلىك نازارىنا ۇوس قاعارماندارىنىڭ فوتوسۋرەتتەرىن, اسكەري ۇشقىشتار مەن تانكيستەردىڭ باس كيمىدەرى مەن مايداننان جازىلعان حاتتاردى ۇسىندى. سونداي-اق, كورمەگە كەڭەس وداعىنىڭ قاھارمانى سەيىتحان تەمىرباەۆ پەن 151-اتقىشتار بريگاداسىنىڭ كومانديرى لەونيد ياكوۆلەۆتىڭ شينەلدەرى قويىلدى.
