ايماقتار • 08 مامىر، 2021

قىزىلوردا قالاسىندا ارىق جۇيەلەرى جاڭعىرتىلماق

138 رەت كورسەتىلدى

قىزىلوردا قالاسىنداعى ساياباقتار مەن پاركتەر ارنايى ۇڭعىمالار ارقىلى سۋارىلۋدا، دەپ حابارلايدى Egemen.kz.

مىسالى، قورقىت اتا جانە ياسساۋي كوشەلەرىنىڭ قيىلىسىنداعى 1 مىڭ 123 شارشى مەتر اۋماقتى الىپ جاتقان «كەلمەنبەت باتىر» ساياباعىنا ەتسۆ-6 ناسوس قوندىرعىسى ارقىلى 80 مەتر تەرەڭدىكتەن سۋ تارتىلىپ، اتالعان اۋماقتاعى جاسىل جەلەكتى سۋمەن قامتۋ مۇمكىن بولىپ وتىر.

جەر استى ۇڭعىماسى ارقىلى سۋارىلاتىن تاعى ءبىر نىسان تەمىر جول پاركى. مۇندا دا دەمەۋشىلىك ەسەبىنەن 80 مەتر تەرەڭدىكتەن سۋ تارتاتىن ەتسۆ-6 ناسوس قوندىرعىسى قويىلىپ، 2 مىڭ 450 شارشى مەتردى قۇرايتىن پارك اۋماعى اياق سۋمەن تولىق قامتىلعان.

وسى ماسەلەگە بايلانىستى وبلىس ورتالىعىن ارالاعان قالا اكىمى عانيبەك قازانتاەۆ   وتكەن جىلى قايتا جاڭعىرتۋدان وتكەن پاركتىڭ كوركەيتۋ-كوگالداندىرۋدى جانداندىرۋدى تاپسىردى. پاركتە سۋبۇرقاق، بالالار ويىن الاڭى مەن 2 سپورت جانە جاتتىعۋ الاڭى جۇمىس ىستەۋدە.

تاعزىم مەموريالىنىڭ اۋماعى دا بيىلدان باستاپ جەر استى ۇڭعىماسى ارقىلى سۋارىلىپ، تولىعىمەن كوگالداندىرىلعان. قازىرگى تاڭدا مۇندا گۇل ەگۋ جۇمىستارى  جۇرگىزىلۋدە.

ارالاۋ بارىسىندا قالا اكىمى ارىق جۇيەلەرىنىڭ دە جاعدايىن كورىپ، شاھار ورتالىعىنداعى اياق سۋدىڭ جايىن تۇبەگەيلى شەشۋ ماسەلەسىن سالا ماماندارىمەن بىرگە تالقىعا سالدى.

قالا نەگىزگى ارىق جۇيەلەرى بيىلعا دەيىن جىبەك جولى جانە سارقىراما مانگيسترالدى كانالدارى ارقىلى سۋمەن قامتىلىپ كەلگەن. ءساۋىر ايىنىڭ اياعىندا سارقىراما كانالىنا سۋ جىبەرىلگەنىمەن داريا دەڭگەيىنىڭ تومەندەۋى ارىق جۇيەلەرىن اياق سۋمەن قامتۋدى قيىنداتىپ تۇر. وسى ماسەلەنى شەشۋ ءۇشىن قالا اكىمى جىبەك جولى مەن سارقىرامانى قالالىق كانال ارقىلى بىرىكتىرۋدى ماماندارمەن اقىلداسىپ، سالا باسشىلارىنا ءتيىستى جۇمىستاردى جۇرگىزۋگە تاپسىرما بەردى. عانيبەك قونىسبەك ۇلى «ەكى كانالدى بايلانىستىرىپ، جىبەك جولى ارقىلى سارقىراما كانالىنا سۋ بەرۋ، قالا ورتالىعىن اياق سۋمەن قامتۋدىڭ تىڭ ءتاسىلى بولماق»، دەدى.

قالا باشىسى شاھار ورتالىعى نەمەسە شەت ايماق دەپ بولمەي، تولىق اياق سۋمەن قامتىلۋىن ءوز قاداعالۋىندا ۇستايتىنىن جەتكىزدى.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار