ايماقتار • 08 مامىر، 2021

شىمكەنتتە گاستروەنتەرولوگيا جانە ديەتولوگيا ورتالىعى اشىلدى

30 رەت كورسەتىلدى

شىمكەنت قالاسىندا «GastroMed» گاستروەنتەرولوگيا جانە ديەتولوگيا ورتالىعىنىڭ سالتاناتتى اشىلۋ ءراسىمى بولىپ ءوتتى، دەپ حابارلايدى Egemen.kz.

تۇركىستان وبلىسى جانە الماتى قالاسىنان ارنايى كەلگەن قوناقتارعا مەديتسينالىق ورتالىقتى تانىستىرعان باس دارىگەر ءلاززات سىزدىقوۆا «Gastromed» – وسى سالا بويىنشا ءۇشىنشى مەگاپوليس پەن تۇركىستان وبلىسىنداعى تۇڭعىش جوعارى دەڭگەيلى مامانداندىرىلعان ورتالىق ەكەنىن، مۇندا بىلىكتى كاسىبي ماماندار كومانداسى جۇمىس ىستەيتىنىن ايتتى. «مەديتسينالىق ورتالىق اسقازان-ىشەك جولدارى، ەندروكيندىك جۇيە اۋرۋلارىن امبۋلاتوريالىق دارەجەدە ەمدەيدى. تىك ىشەك ماسەلەسىمەن كەلگەن ناۋقاستارعا كىشىگىرىم وتالار جاسالادى. ولار ەكسپەرتتى دەڭگەيدەگى قوندىرعالاردا مەديتسينالىق تەكسەرۋدەن ءوتىپ، جوعارى بىلىكتى دارىگەرلەردەن كونسۋلتاتسيا الا الادى. سونىمەن قاتار ءبىزدىڭ ورتالىقتا ناۋقاسقا زەرتحانالىق تالداۋدىڭ بارلىق ءتۇرى جۇرگىزىلەدى»، دەيدى ءلاززات يشانبەكقىزى. ورتالىقتا گاستروەنتەرولوگ دارىگەرلەردەن بولەك، ديەتولوگ، پروكتولوگتار دا ناۋقاستارعا قىزمەت كورسەتۋگە دايىن. ءار دارىگەردىڭ كابينەتى سوڭعى ۇلگىدەگى قۇرال-جابدىقتارمەن، زاماناۋي ەندوسكوپيالىق اپپاراتتارمەن جابدىقتالعان.

س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ گاستروەنتەرولوگيا كافەدراسىنىڭ مەڭگەرۋشىسى، مەديتسينا عىلىمدارىنىڭ دوكتورى، پروفەسسور الەكساندر نەرسەسوۆ جاڭا مەديتسينالىق ورتالىقتىڭ جۇمىسىنا وڭ باعا بەردى. «بۇل ورتالىقتىڭ ەڭ باستى ارتىقشىلىعى – بىلىكتى ماماندارىندا دەپ بىلەمىن. مۇندا تۇركىستان وبلىسىنىڭ، شىمكەنت قالاسىنىڭ ەڭ ۇزدىك گاستروەنتەرولوگ ماماندارى جينالعان. ال كەز-كەلگەن مەكەمەنىڭ جۇرەگى – بىلىكتى ماماندار عوي. «GastroMed» وسىنداي بىلىكتى ماماندارىمەن ناۋقاستارعا وتە ساپالى ەم-دوم شارالارىن جۇرگىزىپ، سەنىم ۇدەسىنەن شىعا بىلەدى دەگەن ويدامىن»، دەدى پروفەسسور.

 

 

شىمكەنت

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار