ايماقتار • 06 مامىر، 2021

جامبىل وبلىسىندا باعانىڭ وسۋىنە جول بەرىلمەيدى

42 رەت كورسەتىلدى

جامبىل وبلىستىق اۋىلشارۋاشىلىعى باسقارماسى وبلىستا ازىق-ت ۇلىك قاۋىپسىزدىگىن قامتاماسىز ەتۋ، سونداي-اق، الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ نەگىزسىز وسۋىنە جول بەرمەۋ ءۇشىن بىرقاتار كەشەندى شارالاردىڭ قابىلدانعانىن مالىمدەدى، دەپ حابارلايدى Egemen.kz.

قازىرگىدەي كۇردەلى كەزەڭدە جامبىل وبلىسىنىڭ تۇرعىندارى باعا ماسەلەسىنە الاڭداۋلى. سەبەبى، جىل باسىندا وڭىردە كۇندەلىكتى تۇرمىسقا قاجەتتى الەۋمەتتىك تاۋارلاردىڭ باعاسى قىمباتتاپ كەتكەن بولاتىن. دەي تۇرعانمەن، باعانى تۇراقتاندىرۋ ماقساتىندا تاراز قالاسىندا جانە ءوڭىردىڭ بىرقاتار اۋداندارىندا الەۋمەتتىك دۇكەندەر اشىلدى. بۇگىندە ولار ەل يگىلىگىنە جۇمىس ىستەپ كەلەدى.   وڭىردەگى ساۋدا نۇكتەلەرىندە باعا تۇراقتىلىعى باستى نازارعا الىنعان. الەۋمەتتىك ماڭىزى بار تاۋارلاردىڭ باعاسىن رەتتەۋگە سەپتىگىن تيگىزىپ وتىرعان تۇراقتاندىرۋ قورى ارقىلى وبلىس تۇرعىندارى ارزان ونىممەن قامتاماسىز ەتىلۋدە. جالپى، تۇراقتاندىرۋ قورى ارقىلى جىل باسىنان بەرى 212،6 ميلليون تەڭگەگە 1442 توننا 11 ءتۇرلى تاۋار وتكەرىلگەن. الداعى ۋاقىتتا تۇتىنۋشىلاردىڭ سۇرانىسىن قاناعاتتاندىرۋ ماقساتىندا تۇراقتاندىرۋ قورىنا 2508 توننا تاۋار جيناقتالىپتى. قوردى قالىپتاستىرۋدا 1282 توننا ۇن، 372 توننا قانت، 51 توننا قاراقۇمىق، اينالىم قاراجاتى شارتى بويىنشا 181 توننا كۇنباعىس مايى سياقتى سۇرانىسقا يە تاۋارلار جەتكىزىلگەن. بۇگىنگى تاڭدا ايماقتا قانت 220 تەڭگەدەن، جۇمىرتقا 27، كۇنباعىس مايى 560، قاراقۇمىق 315 تەڭگەدەن ساتىلۋدا. ولار ارنايى اشىلعان 25 الەۋمەتتىك دۇكەن مەن 8 ءىرى ساۋدا ورنىنداعى الەۋمەتتىك سورەلەر ارقىلى وتكەرىلۋدە. سونىمەن قاتار، جاڭادان ىسكە قوسىلعان ەكىنشى تەتىك «اينالىم سحەماسى» بويىنشا 4 كاسىپكەرلىك سۋبەكتىسىنە 605،0 ميلليون تەڭگە بولىنگەن. بۇگىندە جىلدىق كولەمى 2343 توننانى قۇرايتىن 14 الەۋمەتتىك تاۋارعا نارىقتان 8-15 پايىز تومەندەتىلگەن باعالار بەكىتىلىپ، وبلىستاعى ءىرى ساۋدا جەلىلەرى ارقىلى ساتىلۋدا.

بۇگىندە وبلىستا بارلىعى 25 الەۋمەتتىك دۇكەن مەن پاۆيلوندار جۇمىس ىستەيدى. ونىڭ 15-ءى تاراز قالاسىندا بولسا، قالعان 10 دۇكەن ءوڭىردىڭ اۋدان ورتالىقتارىندا ورنالاسقان. مۇنداي پاۆيلوندار حالىقتىڭ الەۋمەتتىك وسال توپتارى ءۇشىن ارنايى اشىلعان. وسى ورايدا، الىپساتارلىق فاكتىلەرىنە جول بەرمەۋ ءۇشىن ءبىر ادامعا ساتىلاتىن تاۋارلاردىڭ كولەم-نورماسىن دا بەلگىلەۋ قولعا الىنۋدا. سونداي-اق، الەۋمەتتىك دۇكەندەرگە جاقىن ماڭدا تۇراتىن مۇقتاج وتباسىلاردىڭ تىزىمدەرىن جاساقتاپ، تومەندەتىلگەن باعاداعى ءونىمنىڭ نەگىزگى تۇتىنۋشىلارى رەتىندە قالىپتاستىرۋ جوسپارلانۋدا. الەۋمەتتىك دۇكەندەر نارىقتان 8-24 پايىز تومەن باعاداعى بارلىق الەۋمەتتىك ماڭىزى بار ازىق-ت ۇلىكتەرمەن قامتىلعان. وعان وبلىستاعى «مولبيت»، «بمك»، «قىزىل-جۇلدىز»، «كوكجيەك-2030»، «اسا دامۋ»، «اۋليەاتا-فەنيكس»، «حلەبنىي دار» جانە «اكساراي ەكسپورت» سياقتى تاۋار وندىرۋشىلەردىڭ ونىمدەرى تىكەلەي جەتكىزىلۋدە. سونىمەن قاتار، قاراقۇمىق، كۇرىش، كۇنباعىس مايى شىعىس قازاقستان، قىزىلوردا جانە الماتى وبلىستارىنداعى وندىرۋشىلەردەن ساتىپ الىنىپ، جامبىل وبلىسىندا تومەندەتىلگەن باعامەن ساتىلىپ جاتىر.

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ەكىدىڭ ماڭىنداعى ەسكەرتكىشتەر

ايماقتار • بۇگىن، 08:22

كۇي – قازاقتىڭ قازىناسى

رۋحانيات • بۇگىن، 08:19

جۇرەك جىلۋى جان جادىراتادى

ايماقتار • بۇگىن، 08:18

دونور بولۋ – ۇلكەن دارەجە

قوعام • بۇگىن، 08:14

ۇقساس جاڭالىقتار