ەكونوميكا • 06 مامىر، 2021

يپوتەكالىق قارىزدى قايتا قارجىلاندىرۋ باعدارلاماسىنا وزگەرىستەر ەنگىزىلدى

26 رەت كورسەتىلدى

قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى باسقارماسىنىڭ قاۋلىسىمەن يپوتەكالىق تۇرعىن ءۇي قارىزدارىن قايتا قارجىلاندىرۋ باعدارلاماسىنا وزگەرىستەر مەن تولىقتىرۋلار بەكىتىلدى، دەپ جازادى Egemen.kz .

باعدارلاماعا تۇزەتۋلەر 2004–2009 جىلدار ارالىعىنداعى كەزەڭدە يپوتەكالىق قارىزدار العان، سونداي-اق 2016 جىلعى 1 قاڭتارعا دەيىن شەتەل ۆاليۋتاسىمەن يپوتەكالىق قارىزدار بەرىلگەن حالىقتىڭ الەۋمەتتىك وسال توپتارىنا وسى قارىزدار بويىنشا ولاردىڭ بورىش جۇكتەمەسىن ودان ءارى تومەندەتۋ جانە جالعىز باسپاناسىن ساقتاۋ ماقساتىندا قوسىمشا قارجىلىق كومەك كورسەتۋگە باعىتتالعان. وسىلايشا، باعدارلاماعا تۇزەتۋلەر قيىن ومىرلىك جاعدايعا تاپ بولعان جانە وسىعان بايلانىستى تابىسى جوق ازاماتتاردى قولداۋ ءۇشىن قوعامدىق ۇيىمدارمەن كەلىسسوزدەردىڭ ناتيجەسى بولدى.

باعدارلاماعا ەنگىزىلگەن تۇزەتۋلەردى ەسكەرە وتىرىپ، قارجىلىق قولداۋ شارالارى كامەلەتكە تولماعانداردىڭ نەمەسە مۇگەدەكتىگى بار ادامداردىڭ زاڭدى وكىلدەرى بولىپ تابىلاتىن يپوتەكالىق قارىز الۋشىلارعا، سونداي-اق قامقورلىعىندا (اسىراۋىندا) حالىقتىڭ الەۋمەتتىك - وسال توبى مارتەبەسى بار ادام بار جانە ەڭبەككە قابىلەتسىز ازاماتتاردى كۇتىپ-باعۋعا، ەمدەۋگە ارنالعان شىعىستاردى كوتەرەتىن قارىز الۋشىلارعا قوسىمشا كورسەتىلەتىن بولادى. قامقورشىلىق 2021 جىلعى 1 قاڭتارداعى جاعداي بويىنشا راستالۋعا ءتيىس. 

بۇعان قوسىمشا، باعدارلاما شەڭبەرىندە تاراتىلعان «استانا بانكى» اق بەرگەن يپوتەكالىق قارىزدارى بار جانە باعدارلامانىڭ ءبىرىنشى باعىتى بويىنشا قايتا قارجىلاندىرىلعان ءحاوت ساناتىنداعى ازاماتتارعا قولداۋ شارالارى كورسەتىلەتىن بولادى. قارجىلىق كومەك الۋ ءۇشىن كورسەتىلگەن قارىز الۋشىلار ءتيىستى وتىنىشپەن بانكتىڭ تاراتۋ كوميسسياسىنا جۇگىنە الادى.

كىرىسى تومەن يپوتەكالىق قارىز الۋشىلاردى قولداۋ ءۇشىن باعدارلاماعا ەنگىزىلگەن تۇزەتۋلەرمەن ءحاوت ساناتىنا جاتاتىن قارىز الۋشىنىڭ جەكە كىرىسىنىڭ ەكى ەڭ تومەنگى كۇنكورىس شەگىندە ساقتالۋى بەكىتىلەدى. بۇل شارا وسىنداي قارىز الۋشىلاردىڭ بيۋدجەتىنە تۇسەتىن قارجىلىق جۇكتەمەنى ازايتادى جانە ولارعا كوممۋنالدىق تولەمدەردى، ازىق-ت ۇلىكتى، ءدارى-دارمەكتەردى جانە قارىز الۋشىلاردىڭ باسقا دا ءبىرىنشى كەزەكتەگى قاجەتتىلىكتەرىن تولەۋگە مۇمكىندىك بەرەدى.

باعدارلاماعا ەنگىزىلگەن تۇزەتۋلەر قارىز الۋشىلاردىڭ شاعىمدارىن قاراۋ جونىندەگى كوميسسيا قۇقىقتارىنىڭ كەڭەيۋىنە دە اسەر ەتتى. ەندى كوميسسيالار قارىز الۋشىلاردىڭ باعدارلامانىڭ ءۇشىنشى باعىتى بويىنشا قوسىمشا كومەك كورسەتۋ تۋرالى وتىنىشتەرىن قايتا قاراۋ بولىگىندە بانكتەر ءۇشىن مىندەتتى بولاتىن شەشىمدەر شىعارۋعا وكىلەتتىك الدى.

تۇزەتۋلەردە قارجىلاندىرۋ نەمەسە جالعا الۋ تالاپتارىمەن تۇرعىن ءۇيدى بانكتىڭ بالانسىنان ءحاوت ساناتىنا جاتاتىن بۇرىنعى مەنشىك يەسىنە بەرگەن كەزدە، بانكتەرگە تۇرعىن ءۇيدى مەنشىك يەسىنە بانكتىڭ بالانسىنا بۇرىن قابىلدانعاننان از شىعىندارمەن بەرۋ تۋرالى دەربەس شەشىم قابىلداۋ قۇقىعىن بەرۋ كوزدەلەدى.

باعدارلامانىڭ ءبىرىنشى جانە ەكىنشى باعىتتارى بويىنشا قارىزدارى قايتا قارجىلاندىرىلعان، سونداي-اق باسپاناسى بانكتىڭ بالانسىنا وتكەن ءحاوت ساناتىنداعى قارىز الۋشىلارعا بانكتەردىڭ قوسىمشا كومەك شارالارىن كورسەتۋى ءۇشىن قارىز الۋشىلار 2021 جىلعى 1 ماۋسىمعا دەيىنگى مەرزىمدە ءتيىستى وتىنىشپەن بانككە جۇگىنۋى قاجەت.

بانكتەر ۇلتتىق بانكتىڭ 2015 جىلعى 18 تامىزداعى باعامى بويىنشا (1 اقش دوللارى ءۇشىن 188،35 تەڭگە) باعدارلاما تالاپتارىمەن بۇرىن بىرجاقتى تارتىپپەن ايىرباستالعان قارىزداردى قايتا قارجىلاندىرۋدى اياقتايدى. وسىعان بايلانىستى ءحاوت قارىز الۋشىلارى ءۇشىن 3% جانە قالعان قارىز الۋشىلار ءۇشىن 12% مولشەرلەمە بويىنشا ۆاليۋتالىق يپوتەكالىق قارىزدى قايتا قارجىلاندىرۋ ءۇشىن قارىز الۋشىلار 2021 جىلعى 15 جەلتوقسانعا دەيىنگى مەرزىمدە بانككە جۇگىنۋى قاجەت. باعدارلاما 2004-2009 جىلدارداعى قارىزداردى، سونداي-اق 2016 جىلعى 1 قاڭتارعا دەيىن بەرىلگەن شەتەل ۆاليۋتاسىنداعى قارىزداردى قايتا قارجىلاندىرۋعا باعىتتالعان. باعدارلامانىڭ 1-ءبولىمى بويىنشا 182،1 ملرد تەڭگەگە 28،9 مىڭ قارىز ماقۇلداندى، 169،3 ملرد تەڭگە سوماعا 27،9 مىڭ قارىز قايتا قارجىلاندىرىلدى.

2020 جىلى 223 ملرد تەڭگە سوماعا 27 مىڭ ۆاليۋتالىق يپوتەكالىق قارىزدى ايىرباستاۋ اياقتالدى.2021 جىلعى 1 ساۋىردەگى جاعداي بويىنشا ءحاوت ساناتىنا جاتاتىن 2662 قارىز الۋشىعا 15،7 ملرد تەڭگە سومادا قوسىمشا كومەك كورسەتىلدى.

سوڭعى جاڭالىقتار

ۇقساس جاڭالىقتار