«جىل سايىن ەلىمىزدە شامامەن 4 مىڭ تابيعي ءورت بولادى. ونىڭ ىشىندە ورمان ءورتى – 500, دالا ءورتى – 3 500. ءورتتىڭ اۋدانى كوبىنە 180 مىڭ گەكتاردان اسادى, زالال 200 ميلليون تەڭگەنى قۇرايدى», دەيدى ورتكە قارسى قىزمەت كوميتەتىنىڭ توراعاسى نۇربولات دەربىسوۆ.
قازگيدرومەتتىڭ بولجامىنا سايكەس, ەكىنشى توقساندا اۋا رايى +25ºس-قا, ال وڭتۇستىك وڭىرلەردە +30ºس-قا دەيىن ىستىق بولادى.
«ەل اۋماعىنىڭ باسىم بولىگىندە جاۋىن-شاشىن مولشەرى نورمادان تومەن بولادى, بۇل ءورت قاۋىپىنىڭ دەڭگەيىن جوعارىلاتادى. زاڭناماعا سايكەس دالا ورتتەرىن ءسوندىرۋ اكىمدىكتەردىڭ قۇزىرەتىنە كىرەدى, ال ورمان ورتتەرىن جويۋ – جەرگىلىكتى بيلىكتىڭ جانە ەكولوگيا مينيسترلىگىنىڭ تابيعاتتى قورعاۋ مەكەمەلەرىنىڭ ءوزارا جاۋاپكەرشىلىگى ايماعىنا بەرىلگەن», دەيدى ول.
