قوعام • 05 مامىر، 2021

قوس ازاماتتىعى بار تۇركيالىققا ايىپپۇل سالىندى

72 رەت كورسەتىلدى

قازاقستاننىڭ كولىك پوليتسەيلەرى قوس ازاماتتىعى بار تۇركيا ازاماتىنا 600 مىڭ تەڭگەگە جۋىق ايىپپۇل سالدى، دەپ حابارلايدى Egemen.kz

جەدەل الدىن الۋ ءىس-شاراسىن وتكىزۋ بارىسىندا الماتى قالاسىنىڭ اۋەجايىنداعى جەلىلىك پوليتسيا ءبولىمىنىڭ قىزمەتكەرلەرى قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزعان تۇركيا ازاماتشاسىن انىقتاپ، ۇستادى. تەكسەرۋ بارىسىندا كولىك پوليتسەيلەرى «ستامبۋل-الماتى» باعىتىنداعى اۋە رەيسىمەن ۇشىپ كەلگەن قازاقستان مەن تۇركيانىڭ ازاماتتىعى بار 32 جاستاعى ايەلدى اكىمشىلىك جاۋاپقا تارتتى.

وعان قاتىستى قر اقبتك-ءنىڭ 496-بابىنىڭ 2-بولىگىمەن، ياعني قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدە شەتەل ازاماتتىعىن الۋ فاكتىسىن حابارلاماۋ بويىنشا اكىمشىلىك حاتتاما تولتىرىلدى.

«الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن تۇركيا ازاماتىنا 200 اەك مولشەرىندە (583 400 تەڭگە) ايىپپۇل تۇرىندەگى اكىمشىلىك جازا تاعايىندالدى»، دەلىنگەن حابارلامادا.

سوڭعى جاڭالىقتار

ۇقساس جاڭالىقتار