ۇلىتاۋ اۋداندىق پوليتسيا ءبولىمى قىزمەتكەرلەرىمەن كەزدەسۋ بارىسىندا رىسقالي قالياقبار ۇلى مال ۇرلىعىن الدىن الۋ, ەسىرتكىگە قارسى كۇرەس, زورلىق-زومبىلىقتى بولدىرماۋ قاجەتتىگىن اتاپ ءوتتى. سونىمەن قاتار مەدياتسيا ارقىلى سوتقا جەتكىزبەي تاتۋلاستىرۋ, سوت جۇيەسىن قالىپتاستىرۋ, پوليتسيا قىزمەتكەرلەرىن تۇرعىن ۇيمەن قامتاسىز ەتۋ قاجەت ەكەندىگى ايتىلدى.
ر.ابدىكەروۆ سونىمەن قاتار ساپار بارىسىندا « ۇلىتاۋ» قورىق-مۇراجايىن ارالادى جانە بيىلعى جىلى پايدالانۋعا بەرىلەتىن تۋريستىك ساپار ورتالىعىنىڭ جۇمىسىمەن تانىستى. سەناتور اۋداندا تاريحي تۋريزم, ەكوتۋريزم, اگروتۋريزم جانە كيەلى مەكەندەردى ارالاۋ باعىتتارىن دامىتۋ, تۋريستەر ءۇشىن قىزمەت كورسەتۋ ساپاسىن ارتۋعا اسا كونىل ءبولۋ قاجەتتىگىن اتاپ ءوتتى.
سەنات دەپۋتاتى رىسقالي ابدىكەروۆ ۇلىتاۋ اۋدان اكىمدىگىندە اۋدان تۇرعىندارىمەن, جۇرتشىلىقپەن جانە اكتيۆ مۇشەلەرىمەن كەزدەستى. جۇزدەسۋدە اۋىل تۇرعىندارى كوكەيدە جۇرگەن ماسەلەلەرىن ورتاعا سالدى. اسىرەسە, اۋىزسۋ مەن ەلەكتر ەنەرگياسى, ۇلىتاۋ-جەزقازعان باعىتىنداعى جول قاتىناسى جانە سول باعىتتا جۇرەتىن جولاۋشىلار كولىگىنىڭ نەگىزگى ماسەلەلەرى تالقىلاندى. اۋداندىق ماسليحات دەپۋتاتى جارقىنبەك بولەندين اۋىل شارۋاشىلىعىن دامىتۋعا ۇكىمەت تاراپىنان قولداۋ كورسەتىلۋىن سۇرادى.
سەنات دەپۋتاتى جەزدى كەنتىندە سالىنىپ جاتقان سپورت كەشەنىنىڭ قۇرىلىسىن ارالاپ كوردى. سەناتور بيىلعى جىل قاراعاندى وبلىسىنداعى دەنە شىنىقتىرۋ جانە سپورت سالاسى ءۇشىن قارقاندى جوبالارعا تولى ەكەنىن جانە بۇل مەملەكەت باسشىسى قاسىم-جومارت توقاەۆتىڭ ەلىمىزدە بۇقارالىق سپورتتى دامىتۋ جونىندەگى تاپسىرمالارىنان تۋىنداعان مىندەتتەرمەن تىكەلەي ۇندەسىپ وتىرعانىن اتاپ ءوتتى.
