الماتى وبلىستىق پوليتسيا دەپارتامەنتىنىڭ ءباسپاسوز قىزمەتى كولىك اپاتى بۇگىن ساعات 11:45 شاماسىندا بولعانىن حابارلادى. «الماتى-كوكپەك-كوكتال» تاسجولىنىڭ 24-ءشى شاقىرىمىندا بولعان وقيعا كەزىندە 32 جاستاعى جولاۋشى كوز جۇمعان.
الدىن الا بولجام بويىنشا, Toyota اۆتوكولىگىنىڭ 23 جاستاعى جۇرگىزۋشىسى رولگە يە بولا الماي قارسى باعىتقا شىعىپ كەتكەن. سالدارىنان پانفيلوۆ اۋىلىنىڭ ماڭىندا «HOWO» ماركالى جۇك كولىگىنە سوعىلعان.
«كولىك اپاتى كەزىندە Toyota اۆتوكولىگىندەگى 23 جاستاعى جولاۋشىسى وقيعا ورنىندا تىلگە كەلمەستەن مەرت بولدى. ال جۇك كولىگىنىڭ جۇرگىزۋشىسى ءتۇرلى دەنە جاراقاتىمەن تالعار اۋداندىق اۋرۋحاناسىنا جەتكىزىلدى» دەلىنگەن اتالعان ۆەدومستۆونىڭ مالىمدەمەسىندە. قازىر اتالعان فاكتى بويىنشا قر قك 345 بابى 3 بولىگىنە سايكەس سوت-الدى تەرگەۋ باستالدى. قاجەتتى ساراپتامالار تاعايىندالعان.
