رەسپۋبليكا بويىنشا ەڭ جاس اكىم شىمكەنتتىڭ اكىمى - مۇرات ايتەنوۆ. ونىڭ جاسى 40-قا جاقىنداعان. ال ەڭ جاسى ۇلكەن اكىم الماتى وبلىسىن باسقاراتىن اماندىق باتالوۆ.ء وڭىر باسشىسى بيىل 68 جاستا.
قازاقستاننىڭ 17 ايماعىنىڭ تەك بىرەۋىن عانا ايەل ادام باسقارادى. ول 56 جاستاعى قىزىلوردا وبلىسىنىڭ اكىمى –گۇلشارا ابدىحالىقوۆا. ونىڭ ايماققا باسشىلىق ەتكەنىنە ءبىر جىلدان استى. ءوڭىر باسشىسى وتكەن جىلدىڭ ناۋرىز ايىنىڭ سوڭىندا قىزمەتىنە كىرىسكەن ەدى.
ال مۇرات ايتەنوۆ قىزمەتىنە 38 جاسىندا كەلدى. ونىڭ شىمقالاعا باسشىلىق ەتكەنىنە – 1,3 جىل بولدى.
ال ەلىمىزدەگى ەڭ جاسى ۇلكەن اكىم اماندىق باتالوۆ الماتى وبلىسىن 2014 جىلدىڭ 20 تامىزىنان باستاپ باسقارادى. اتالعان وڭىرگە باسشىلىق ەتكەنىنە شامامەن 7 جىل بولدى. ول 62 جاسىندا وبلىس اكىمى قىزمەتىن قابىلداعان.
قارت اكىمدەردىڭ قاتارىندا بەردىبەك ساپارباەۆ تا بار. ول جامبىل وبلىسىن باسقارۋعا كەلگەندە 67 جاستا ەدى. ونىڭ بۇل لاۋازىمدا قىزمەت ەتكەنىنە - 1,2 جىل. قازىر اكىم 68-دە.
