ەلوردا • 04 مامىر، 2021

ەلوردا اكىمى قالاداعى ەپيداحۋالعا بايلانىستى ەسەپ بەردى

6 رەت كورسەتىلدى

جىل باسىنان بەرى ەلوردادا كارانتين تالاپتارىن ساقتاماعان 520 زاڭدى تۇلعاعا 110 ملن تەڭگە ايىپپۇل سالىندى. بۇل تۋرالى بۇگىن ۇكىمەت وتىرىسىندا نۇر-سۇلتان قالاسىنىڭ اكىمى التاي كولگىنوۆ ايتتى، دەپ حابارلايدى Egemen.kz

«ەلوردادا وتكەن تاۋلىكتە ىندەت جۇقتىرۋدىڭ 250 جاعدايى تىركەلدى. ۆيرۋستىڭ ودان ارى تارالۋىنا جول بەرمەۋ ءۇشىن بىرقاتار ءىس-شارا قابىلداندى. بىرىنشىدەن، ينفەكتسيالىق ستاتسيونارلاردا 2 239 توسەك-ورىن ازىرلەندى. ونداعى بۇگىنگى جۇكتەمە 60 پايىزدى قۇرايدى. قالعان پاتسيەنتتەر ۇيدەن ەم الۋدا. 198 رەانيماتسيالىق توسەك-ورىن ازىرلەندى، جۇكتەمە – 58 پايىز. رەزەرۆتە 4 مىڭعا جۋىق توسەك-ورىن دايىندالعان. ەكىنشىدەن، زەرتحانالار سانى 2-دەن 27-گە دەيىن ۇلعايتىلعان. وندا تاۋلىگىنە 13 مىڭنان استام تەست جۇرگىزۋگە مۇمكىندىك بار. بارلىعى 1 ملن 320 مىڭ تەستىەۋ جۇرگىزىلدى. ەگەر جىل باسىندا كۇن سايىن 3 مىڭ زەرتتەۋ جۇرگىزىلسە، قازىر 8 مىڭنان استام زەرتتەۋ جۇرگىزىلەدى»، دەدى التاي كولگىنوۆ.

قالا اكىمى ۇشىنشىدەن، امبۋلاتوريالىق قىزمەتتىڭ جۇمىسى ەداۋىر جاقسارعانىن، 250 ءموبيلدى بريگادا جۇمىس ىستەيتىندىگىن ايتتى. امبۋلاتوريالىق باقىلاۋداعى پاتسيەنتتەر تەگىن ءدارى-دارمەكپەن قامتىلعان. ولار تولىققاندى جازىلىپ شىققانشا ۋچاسكەلىك دارىگەرلەردىڭ ۇنەمى قاراۋىندا بولادى.

ء«تورتىنشى، كارانتيندىك ءىس-شارالاردى ساقتاۋ جونىندەگى مونيتورينگ توپتار جۇمىسىن جالعاستىرۋدا. جىل باسىنان بەرى اكىمشىلىك جاۋاپكەرشىلىككە 110 ملن تەڭگەگە 520 زاڭدى تۇلعا تارتىلدى. سوت شەشىمىمەن 36 نىساننىڭ جۇمىسى توقتاتىلدى. «Ashyq» جوباسىنا 300-دەن استام كاسىپكەرلىك سۋبەكتىسى قوسىلدى»، دەدى ول.

ەلوردا باسشىسىنىڭ دەرەگىنشە، وسى ۋاقىتقا دەيىن 114 مىڭنان استام ادام ۆاكتسينانىڭ ءبىرىنشى كومپونەنتىن الدى. ەكپە پۋنكتتەرىنىڭ سانى 36-دان 100-دەيىن ارتتى. ولاردىڭ جۇمىس ۋاقىتى 8-دەن 24-00-گە دەيىن ۇزارتىلدى. ەڭبەك ۇجىمدارىن ۆاكتسينامەن قامتۋ ءۇشىن كوشپەلى مەديتسينالىق بريگادالار قۇرىلدى.

«ەپيدەميالىق احۋال تۇراقتى باقىلاۋدا. جۇمىس جالعاسىپ جاتىر»، دەدى التاي كولگىنوۆ.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار