تروتۋاردا ساموكات ايداپ كەتىپ بارا جاتقان قىز بەن جىگىت ءتورت جاستاعى بالانى قاعىپ, وقيعا ورنىنان قاشىپ كەتكەن. پوليتسيا دەپارتامەنتى وكىلدەرى 2 مامىردا بەلگىسىز بىرەۋلەر نازارباەۆ داڭعىلىندا ساموكات ايداپ كەلە جاتىپ, قابانباي باتىر كوشەسىنىڭ قيىلىسىندا ءتورت جاستاعى بالانى قاعىپ كەتكەنىن حابارلادى.
«بۇگىندە بۇل دەرەكتى المالى اۋداندىق پوليتسيا باسقارماسى تەرگەپ جاتىر. بالانى قاعىپ كەتكەن ادام مىندەتتى تۇردە انىقتالىپ, جاۋاپقا تارتىلادى. ءتيىستى ىزدەستىرۋ شارالارى جۇرگىزىلىپ جاتىر», دەدى الماتى قالاسى پوليتسيا دەپارتامەنتىنىڭ ءباسپاسوز وكىلى.
