اۋىلعا جاقىن ورنالاسقان ءورت ءسوندىرۋ بولىمشەسى 30 شاقىرىم قاشىقتىقتا, ال اۋدان ورتالىعىنا دەيىن 91 شاقىرىم بولعان. سوندىقتان العاشقى ءورت سوندىرۋشىلەر تەك جارتى ساعاتتان كەيىن عانا جەتكەن. ءورت سوندىرۋگە ءۇش ءورت ءسوندىرۋ بولىمشەسىنىڭ ماماندارى جانە جەرگىلىكتى اتقارۋشى ورگاننان – 50 ادام جانە 15 تەحنيكا جۇمىلدىرىلدى.
سول كۇنى كۇشى سەكۋندىنا 28 مەترگە دەيىن جەتكەن داۋىل ولاردىڭ جۇمىسىن قيىنداتا ءتۇستى. سالدارىنان 3 تۇرعىن ءۇي, 3 بوس تۇرعان ءۇي جانە اۋماعى 501 شارشى مەتر بولاتىن شارۋاشىلىق نىسانى جانىپ كەتتى. ءورت تەك ساعات 20:25 مينۋت كەتكەندە تولىق ءسوندىرىلدى.
قازا تاپقاندار جوق. الدىن الا بولجام بويىنشا, وتتى ابايسىز قولدانۋ سەبەپ, بەلگىسىز بىرەۋلەر قۋراعان ءشوپتى ورتەگەن. سقو اكىمى ءباسپاسوز قىزمەتىنىڭ مالىمەتىنشە, قىزىلجار اۋدانى جەلياكوۆو ەلدى مەكەنىندە 51 تۇرعىن ءۇي بار, 128 ادام تۇرادى. ۇيلەرى جانىپ كەتكەندەر تۋعان-تۋىستارىن پانالادى. قازىر اۋىلدا قىزىلجار اۋدانى اكىمدىگى مەن ءماسليحاتىنىڭ وكىلدەرى جۇمىس ىستەپ جاتىر.
