قىرعىزستان شەكارا قىزمەتىنىڭ مالىمەتىنشە, باتكەن وبلىسىنىڭ ارقا جەرىندە تاجىك اسكەري قىزمەتشىلەرى قىرعىز ازاماتتارىنىڭ تۇرعىن ۇيلەرىنە وق جاۋدىرىلىپ, اۋىل تۇرعىندارى ەۆاكۋاتسيالاندى. قالىپتاسقان جاعدايعا بايلانىستى ۇقك شق شەكارا بولىمشەلەرى قورعانىس پوزيتسياسىن ۇستانىپ وتىر.
قىرعىز دەنساۋلىق ساقتاۋ مينيسترلىگىنىڭ مالىمەتىنشە, 1 مامىر كۇنى قىرعىز-تاجىك شەكاراسىنداعى قاقتىعىس كەزىندە ينتەرناتسيونال اۋىلىنان تاعى ەكى ادام قازا تاپتى.
الدىن-الا مالىمەتتەر بويىنشا, تۇرعىندارعا وق ءتيىپ قايتىس بولعان.
«سوت ساراپشىلارى ءولىمنىڭ ۋاقىتى مەن ناقتى سەبەبىن انىقتايدى», دەدى قىرعىز دەنساۋلىق ساقتاۋ ءمينيسترى الىمقادىر بەيشەناليەۆ.
1 مامىر كۇنى باتكەندە شەكارالاردى دەليميتاتسيالاۋ جانە دەماركاتسيالاۋ جونىندەگى ۇكىمەتارالىق كوميسسيا مۇشەلەرىنىڭ كەلىسسوزدەرى باستالۋى كەرەك. بىراق تاجىكستان وكىلدىگىنەن كەزدەسۋگە ادام كەلگەن جوق.
