قۇرلىق باسەكەسى وسىعان دەيىن نيۋ-دەليدە وتەدى دەپ شەشىلگەن ەدى. الايدا ازيا بوكس كونفەدەراتسياسىنىڭ حابارلاۋىنشا, ءۇندىستاندا كوروناۆيرۋس ينفەكتسياسىنىڭ تىم قاتتى تارالۋىنا بايلانىستى اتالعان شەشىم قايتا وزگەرتىلىپ وتىر. كونفەدەراتسيانىڭ مالىمدەۋىنشە قۇرلىق چەمپيوناتىنىڭ تۋرا وليمپيادا قارساڭىندا ۇيىمداستىرىلۋى ۇزدىك بوكسشىلاردىڭ سارالانىپ شىعۋىنا جول اشپاق.
2020 جىلى وتەدى دەپ جوسپارلانعان قۇرلىق سايىسى بۇكىل الەمدە پاندەميانىڭ ۋشىعۋىمەن تۇسپا-تۇس كەلىپ, 2021 جىلعا اۋىستىرىلعان ەدى. ەندى دۋباي تورىندە ەرلەر مەن ايەلدەر ون سالماق دارەجەسىندە جۇدىرىقتاسادى.
