حاكىم اباي اتامىزدىڭ ەلىمىزدىڭ بولاشاعىنا الاڭداۋى دا جايدان-جاي ەمەس. قازاق ەلىنىڭ عىلىم مەن ونەردە باسقالاردان قالىپ قويماۋى ءۇشىن جاستاردى ەڭبەككە, عىلىم ىزدەپ, مال تاۋىپ, ادام بولۋعا شاقىرعانىن شىعارمالارىنان بايقاۋعا بولادى.
اباي ءوز قوعامىنىڭ كەم-كەتىكتەرىن ءوزىنىڭ قاراسوزدەرى ارقىلى جەتكىزۋگە تىرىسقان. ءبىر مىسال بەرىپ وتەر بولساق, التىنشى قاراسوزىندە: «قازاقتىڭ ءبىر ماقالى «ونەر الدى – بىرلىك, ىرىس الدى – تىرلىك» دەيدى. بىرلىك قانداي ەلدە بولادى, قايتسە تاتۋ بولادى بىلمەيدى...» دەپ, بىرلىك پەن تاتۋلىقتىڭ قانداي جاعدايدا ىسكە اساتىندىعىن تالداپ كورسەتەدى. اباي دانامىزدىڭ قاراسوزدەرى جانە ونىڭ وي پىكىرى ءومىردىڭ ءتۇرلى ديناميكالارىنا باعىتتالعانىن كورەمىز. ونىڭ قاراسوزدەرى ءاربىر ەستى ادامعا وي سالارى انىق. ابايدا عىلىم دا, ونەر دە, ءدىن دە بار. بۇگىندەرى دە ابايدىڭ سول زامانعى قوزعاعان ماسەلەلەرى قوعامدا وزەكتى بولۋدا.
بىزگە كەرەك دۇنيە – بىرلىك. قازىر ەلىمىزدە ءارتۇرلى ەتنوس بەيبىتتاتۋ ءومىر ءسۇرىپ جاتىر. بۇل باسقا ەلدەرگە ۇلگى بولۋدا. بىرلىكتىڭ نىعايۋىندا ورتاق ماقساتتىڭ ورنى ەرەكشە. ورتاق ماقساتقا يە بولۋ, ادامدار اراسىنداعى بايلانىستى بۇدان دا مىقتاپ, كوزدەگەن ماقساتقا وڭاي ءارى تەز جەتۋدى قامتاماسىز ەتەدى. ماقساتتارى ءبىر بولعان ءاربىر ادام باسقاعا قولۇشىن سوزۋ ارقىلى العا تەز جىلجيدى.
بۇگىنگى پاندەميا الەم حالقىن ابىگەرگە سالىپ, قوعام ىشىندە ءاربىرىمىزدىڭ وقشاۋلانۋىمىزعا الىپ كەلدى. دەگەنمەن پاندەميا جاعدايى ەلىمىزدىڭ بىرلىگىنە نۇقسان كەلتىرمەدى, قايتا حالقىمىزدىڭ ءبىر-بىرىنە دەگەن جاناشىرلىعى, بىرلىگى بايقالدى.
دانا حالقىمىز «بىرلىك بولماي – تىرلىك بولماس», «ىرىس الدى – ىنتىماق» دەمەكشى, بىرلىك پەن ىنتىماق بولعان جەردە تاتۋ, بەيبىت ءومىر مەن ەلدىڭ دامۋى بولادى.
كوپتەگەن ەتنوستى ۇيىستىرىپ وتىرعان قازاقستان ءۇشىن 1 مامىر – قازاقستان حالقىنىڭ بىرلىگى كۇنىنىڭ ورنى ەرەكشە. اللا بىرلىگىمىزدەن ايىرماسىن!
نۇرجان ابدۋللاەۆ,
ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتى ءدىنتانۋ جانە مادەنيەتتانۋ كافەدراسىنىڭ اعا وقىتۋشىسى
