«بۇلاندى اۋدانىنىڭ ءورت ءسوندىرۋشى-قۇتقارۋشىلارىنا بۇگىن ساعات 17:34-تە ماكينسك قۇس فابريكاسىنىڭ №7 عيماراتىندا ءورت بولعاندىعى تۋرالى حابار ءتۇستى. ءورت سوندىرۋشىلەردىڭ جەدەل ءىس-قيمىلدارىنىڭ ارقاسىندا 800 شارشى مەتر اۋماقتاعى ءتىلسىز جاۋ 43 مينۋتتا اۋىزدىقتالدى, جالىننىڭ كورشىلەس عيماراتتارعا تارالۋىنا جول بەرىلمەدى» دەلىنگەن ۆەدومستۆو تاراتقان حابارلامادا.
ايتا كەتەيىك, ءورت كەزىندە عيمارات بوس بولىپ, قۇستار زارداپ شەكپەگەن. №7 عيماراتتىڭ جالپى اۋدانى 1930 شارشى مەتردى قۇرايدى, زارداپ شەككەندەر مەن جاراقات العاندار جوق.
مالىمەتكە سۇيەنسەك, ءورت 18:04-تە وقشاۋلانىپ, 18:18-دە ءسوندىرىلدى. وقيعا ورنىندا 10 ءورت ءسوندىرۋشى-قۇتقارۋشى, ماكينسك قۇس فابريكاسىنىڭ 7 جانە مەملەكەتتىك ەمەس ورتكە قارسى قىزمەتىنىڭ 3 قىزمەتكەرى جۇمىس ىستەدى.
ءورتتىڭ سەبەبى انىقتالىپ جاتىر.
