«قالاداعى ەپيدەميولوگيالىق جاعداي ءالى دە تۇراقسىز, سول سەبەپتى ەلوردا تۇرعىندارىنا اسىرەسە ءۇي كارانتينىندەگى ادامدارعا, سونىمەن قاتار كاسىپكەرلىك سۋبەكتىلەرگە ايتارىم: بارلىق شەكتەۋلەر مەن سانيتارلىق ەرەجەلەردى ساقتاڭىزدار. بۇل ينفەكتسيانىڭ تارالۋىن تومەندەتۋگە, اۋرۋ قاۋپىن سەيىلتۋگە مۇمكىندىك بەرەدى», دەدى قالانىڭ باس سانيتار دارىگەر ەلوردا اكىمدىگىندە وتكەن بريفينگتە.
ونىڭ ايتۋىنشا, قالادا جاعدايدى تۇراقتاندىرۋ جانە كوروناۆيرۋستى جەڭۋ ءۇشىن تۇرعىنداردى جاپپاي ۆاكتسيناتسيالاۋ ءجۇرىپ جاتىر. بۇل ۇجىمدىق يممۋنيتەتتى دامىتۋعا جانە قالىپتى ومىرگە تەزىرەك ورالۋعا مۇمكىندىك بەرەدى.
ەسكە سالايىق, نۇر-سۇلتان قالاسى كوروناۆيرۋس احۋالىن باقىلاۋ ماتريتساسىندا 1,5 ايدان بەرى «قىزىل ايماقتا» تۇر.
